سعيدلودين -ټورنټو کاناډا

اميد

زه مي د ميني

د اميد

او په اخلاص يو لګولې شمعه

په ها خاورينه کوچنۍ پياله کي

د ګنګاه رود

پر هغه لويه

او خاموشه څنډه

اوبو کي ږدم

په خپل لاسو ورته څپې جوړوم

د رود په غېږه يې کرار ورکوم

وايم چي ګوندي

زما د ميني

د اميد

دغه کوچنوټې شمعه

د رود په توره او وحشي غېږه کي

د ابدي تورتم تياره مخلوق ته

رڼا ور ورسوي

او زموږ د وچو و لندو خالق بيا

زموږ و تياره ښار ته

رڼا ورکړي

څراغ راولګوي

ما خپل کړي