رفيع الله زيار

هر يو رګ زما خــــــالي شي له ګـــــــــــمانه روح ارام شـــــــــــي
ســــــــــــــتا د نوم په يادولو مــــــــــــې جانانه روح ارام شـــــــــي

ټوله شپه درپســې ژاړمـــــــــــــــه او ژاړم سکــــــــــــــــــون نه وي
خو چې اوښــــــکې مې شي تېرې له ګـــــــرېوانه روح ارام شي

دا نړۍ د کائيناتو چـــــــــــــــې اشـــــــــنا مــــــــــطالعه کـــــــــــړم
خلاص شم ، خلاص شم له رقيب او له شيطانه روح ارام شي

چې رنګـــــونه ترې رنګ اخــلي ، چې ګلونه ترې رنګ اخلي
ځان چې حس کړمـــــه له دغې ګلـــــــيستانه روح ارام شــــــي

شهـــــــــــيد کـــــــــــــــړى چـــې حـــــــــلاتو دى د هغه زړه په قبر
شـــــــــــــهابونه چــــــــې راوري له اســـــــــمانه روح ارام شـــــي

د نفرت کــــــــــورګى کړې وران ؛ زياره ورانه يي دنيا کـــــړه
مــــــــينه واخــــــــلم ســــــــتا د مينې له دنيا نه روح ارام شــي

خوست

هغه ناز هغه ادا، زما په سترګو کـــــــې انځــــــور ده
هـــم ښايست هم د ښکلا، زما په سترګو کې انځــور ده

رڼو ستورو د شغلو نه ډک لاسونه راوږده کــــــــړئ
د سپوږمۍ سپينه رڼا ، زما په سترګو کې انځــــور ده

زه چــې لته دې دنيا ته ورکــــــــــومه په دې پوى شه
چې يوه ښکلي شان دنيا ، په سترګو کــــــې انځور ده

پښتنه ده داســـــې پاکه لکه حــــــــــوره راته ښکاري
د اينې غـوندې صفا ،زما په سترګو کـــــــې انځور ده

څښل څه چې ته به ځان پـې غــوپه کړې ؛ داسې ډنډه
دې شرابو اې ملا! زما په سترګـــــــــو کې انځور ده

ګوره نن سره يي زه زيار توپير کـــــــــــــولى نه شم
کوم تاريخ ؛ چې کربلا ، زما په سترګو کې انځور ده

زه ستا د مــــــــــــــــــخ د ليدو تږى يمــــــــه
يمه ژوندى خـــــــو په رنګ مــــــــړى يمه

ددغــــــــــــــــــــــــــــې تندې مـــــــاتېدو لـــــــــپاره
د بېقـــــــرار زړه صــــــــــــــــــــــــبرېدو لپاره

ستا د ښــــــــکلا څرک په هر ګل کې ګورم
هم يي غــــاټول هم يي سمــــــبل کې ګورم

شوې په ريحــــــــان پسې مې پښې تڼاکې
په دې ارمان پســــــــــــــــې مې پښې تڼاکې

نه مې څـــــــــــــــېړۍ نه مې نښتر پرېښــى
نه مـــــــې دره او نه مـــــــــــې غر پرېښـــى

له لـــــــمــــــــــنځې څو ځلې تاو شوى يمـــه
هم په ګورګورو پســـــــــــې تللى يمـــــــــــــــه

د مازديګـــــــــــــــــــر شـــــغلو ته ډېر وګورم
د هلمــــــــــند ســــــــــــــيند څپو ته ډېر وګورم

خو دا ظالمه زمــــــــــــــــانه مــــــــــــــې ګرانه
مينې ته نه پرېږدي ښــايســـــــــــــــته جانانه

د لټون پاى کــــــــــــــــــــې په غـــمونو واوړم
زيار د ويــــــــنــــــــــــــو په ډنـــــــــــډونو واوړم