عبدالناصر (نالان)

 

 زما په خیال هم جادوګره ښکاري
 د کلي پېغلو کې کوتره ښکاري

 د کلي پېغلې مې ليدې روانې
 زما لیلا نن بې ګودره ښکاري

 په انتظار مې سترګې وخوږیدې
 راته بې غمه بختوره ښکاري

 ګوندې د زړه طبیب مې راشي خدایه
 فضا خو واړه معطره ښکاري

«نالان» چه نن ترېنه بوسه وغوښته
 کوږ سر روانه مراوره ښکاري

 

ما اخته به په ژړا کړې یاره ته چه راته خاندې
د غم شپه به هم سبا کړې یاره ته چه راته خاندې

راته مخامخ په سترګو کې مسکی شه خدای دپاره
ما په سمه لار خطا کړې یاره ته چه راته خاندې

دې دنیا پروا به نه ساتې جنانه دا مې واوره!
لنډه لار راته اوږده کړې یاره ته چه راته خاندې

هر یو راز به سړی پټ کړي دې دنیا د هر انسانه
هر یو درد به مې ښکاره کړې یاره ته چه راته خاندې

ډېر نازونه ، آداګانې دا دې مینې علامه ده
ما «نالان» به دې سزا کړې یاره ته چه راته خاندې

خوست

څومره په مينه مې ساتلې خو غدار وختې
تا د رقیب قیصې منلې خو غدار وختې
زما یوې خبرې تا باندې تاثير ونکړو
ما د غماز نه بیلولې خو غدار وختې
زما له قصده به هر وخت له رقیبانو سره
چه په چکر ورسره تللې خو غدار وختې
خوشالي نشته تل خفه یمه ژړغونی یمه
اوس د بل چا ورسېدلې خو غدار وختې
زه (الوخېل نالان) دلبره څوکيدار ومه ستا
شپې مې په ويښه تېرولې خو غدار وختې

خوست

ما اَخته به په ژړا کړې یاره ته چه راته خاندې
د غم شپه به هم صبا کړې یاره ته چه خاندې

راته مخامخ په سترګو کې مسکی شه خدای لپاره
ما په سمه لار خطا کړې یاره ته چه خاندې

د جهان پروا به نه ساتې جنانه دا مې واوره
لنډه لار راته اوږده کړې یاره ته چه خاندې

دا په څنګ کتل دې ګرانې ځورول دي نورڅه نه دي
ما نالان به د سزا کړې یاره ته چه خاندې

خوست.