سید انتظار خادم

غزل

سید انتظار خادم

غزل : سید انتظار خادم
د مرګ په سترګو کی ژوندون لکه انځور ښکاری
د عشق تیاره تیاره هنداره کی چی نور ښکاری

وخته لږ صبر وکړه، ساه واخله
هر څه به وشی
دلته د غر غوندی یو ځوان شته خو مجبور ښکاری

پخوا به هر چا ها د عشق کتابونه لوستل
خو اوس
د ټولو په لاسونو کی زبور ښکاری

دا له اسمانه زمونږ کلی ته راغلی حوره
دا ښاپیرۍ، دا فرښته هم د چا لور
ښکاری

لږه را ښکته شه، زولۍ زولۍ راوغوړیږه
د جنت سیوری دی ښاخونو کی ضرور ښکاری

دا د یار کلی دی
همدلته به تندی لګوم
خادم نه! د ا خو له رنگه کوه طور ښکاری

که څوک ځان لکه پتنگ په یار فدا کا
نو ضرور به په زلفانو مشغولا کا

نرم خوی د بهر تل کی در دانه ده
څوک نیکمرغه لامبوزن به یی سودا کا

که څوک تاج د سکندر
په خپو کی غواړی
نو اغاز به له مقامه د گدا کا

دید؛ ادراک به یی تر عرشه پوری رسی
که دا فهم رب
هر چا لره عطا کا

که قسمت د زمانی اژدهار بولی
نو میين څله ددی درده غوغا کا

خوب
دی تل هغه په سپینو سینو کاندی
چی حاصل دلبر د تورو په خرپا کا

تمامی عمر یی تیر په انتظار شی
چی همدم وعدی د نن او د صبا کا