مشفق حريتمل

په دې ارزې چې سړى درپسې مات شي

چې په شرنګ لکه بنګړ‌ى درپسې مات شي

خوږه ژونده څومره تريخ دې تېرېدل دي

سړى کوږ شي اوژوندى درپسې مات شي

کله سر کله تندى کله زړه حسنه!!

بايدهره ورځ يو شى درپسې مات شي

بې حضوره او بې کيفه سجدو تنګ کړم

خدايه کاشکې مې تندى درپسې مات شي

خرپ او ترپ نکوي شعر وايې له درده

چې ((بسمل)) لکه لرګى درپسې مات شي

ځوانان چې سپينې توري دميدان کلي ته وړي

زيـــــانــــونه بــــه دسرټول دښــــمنان کلي ته وړي

داکــــــور دمسلمان،نامسلــــمان پکې شرميږي

لــــه ګــټي يـې توبه شوه اوس تاوان کلي ته وړي

ژوندي کلـــــــــه پاتيږي بــــــي ګودره چې ګډيږي

سرزوړندټيټي سترګې پــــــــه ارمان کلي ته وړي

داستــادتورې شرنــــګ اوذوالفقار وارخطاکړي

داروغ رمــــټ بـــه ټول نن لــــيونيان کلي ته وړي

ميدان دننګ ونام ته مــــــجاهد جـــــانان راغلې

پرهرپرهــــــرسينـــــــي به صـــــليبيان کلي ته وړي

مستي شوه ورنه هيره دغازي په دام کې راغـــلل

باران به نن داوښـــکودګــــــــــــريوان کلي ته وړي

ددتوروغرو په سر کــــــې غنم رنګ جانان ته وايه

دفتحې بـــري زيــــري به (کـــــــامران)کلي ته وړي

بيا دپــــــــورې غـــــــره له ســــــره چيغې خيژي

دهـــــــــــرنــــــاو لــــــــه هر کــــمره چيغې خيژي

شپنه مړه شوه که شپونکې پـــــــه بم ورخوت

درمــــــــــــــــــــودشپـــــــو له بــــره چيغې خيژي

دهوسۍ سترګوکې ډنډ ډنډ اوښکې راغلې

دغـــرڅــــه لــه مـــــاتــه ښـــــــکره چيغې خيژي

ربه بياڅوک سرپرې کړې سيندکې راغـــــــې

پيـــــــــــغلې ژاړي لـــــه ګـــــودره چيغې خيژي

په نــــــــامه دالــــــقاعــــه وړي څوک باګرام ته

دچــــــــــــــورلـــــکـې لــــــــــه وزره چيغې خيژي

داانـــــصـــــــــاف شــــــــو دايساف زمونږ دکلي

مســـجد وران شو لـــــــــــــه ممبره چيغې خيژي

په تنـــــــــکۍ تنــــــه يــــــــــــي بياچااره کش کړه

ســـــــوې ســــــــــوې لــــــــه نــــښتره چيغې خيژي

مونږه پـــــريـــږده دځـــــــان واک درســـــــره نشته

که دې ســـــــل له خـــــــــولې رهبره چيغې خيژي

ښايــــــــي غــــــــــــــم به د(هجران) ورسره مل وي

دغـــــزل لــــــــــــه زيـــــــــــــر اوزوره چيغې خيژي