هارون حکیمي

تاچي مړې کړلې ډېوې! نوزه هم  ځمه
ترخې سوي ایسي شپې !نوزه هم  ځمه

حوصله مي د فلک امتحان یووړه
ته مي ساه ساه ازمويې! نوزه هم  ځمه

زماله سترگو گرېوانونه اوښکي اوري
چي تې نه راوچوې! نوزه هم  ځمه

ستاپرسرمي گرده کلی پردی کړی
اوس چي ته هم راڅه ځې! نوزه هم  ځمه

دشبنم پر پلو راتلمه چي لمرتود سو
راڅه ورکي سوې کوڅې! نوزه هم  ځمه

ستا دمړوسترگوتصویر زماپکاروو
تاچي واړولې مړې! نوزه هم  ځمه

1389/2/2 کابل.درييم مکروریان

ددې لاسونوقدرهغه وخت سي موږته معلوم
چي درد یې ونیسي دریه غلې سي شوریې مړسي

داسمان جنگ کي دي دآس سپرلي بې گټي بولم
ټکي چي اوري پیاده روغ پاته سي سپوریې مړسي

که ژاړې سرراوړه پرزړه مي اوښکي وڅڅوه
دلته اوس هم لمبې بلیږي چي لږاوریې مړسي

دسترگوسپین مي سره کفن دخمار وپوښله
که موداحال ووژربه واورې چي داتوریې مړسي

مرگ درقیب اودمطریب محفل ته یوډول دی
که هغه ومرِ که دا ومري ټنگ ټکوریې مړسي

...
سمه ده،
درباندي گران به یم
خودونه ډېرمي مه درنژدې کوه..!
مه.. مه.... ،
دونه ډېره مینه مه راسره کوه،
په زړه پوري مي دونه ډېرمه نیسه،
مه مي کښېکاږه،
بېرېږم چي دغونه لیري به مي وغورځوې...

ډالۍ چې نه منې راوړی ګلاب بېرته وړمه
زړګی مې درکړ تا کباب کړ کبا بېرته وړمه

زما د زړه هيلې تر تاداستا په نوم پايېدې
اوس چې دې ياره ځواب راکړ ځواب بېرته وړمه

څپو وهلی يم ساحله هله لاس راکوه
تڼاکې زړه د ستړي ستړي حباب بېرته وړمه

د نغه ګر ملنګ په نوم يې يو بل هم وژلی
ځمه زه هم له دغه کلي رباب بېرته وړمه

هارونه ما چې ورته سترګو کې څو زيري وروړل
اوس ترې انځور د خپلو اوښکو درياب بېرته وړمه

ستا د اوښکوترتویېدلو درې ورځي وروسته ډېر ارمان کوم..!
ستاپرمکارو اوښکو نه!
هیڅ نه ،!
دخپل عاطفي زړه دپرېمانه ویرپراور ارمان کوم،
هغه ستا اوښکوچي راته بل کړ..

له مرگه تښتم دپناغیږي ته ځان رسوم
له تنهايي نه دیوچا غیږي ته ځان رسوم

زه به دروالوزم اسمانه خوته لاس راکوه!
پرمځکه ښه نه یمه ستا غیږي ته ځان رسوم

 

ماغوندي له کوره لیروته ډالۍ:

ستاپه فیصله دزهروډک جام پر سر اړوم
بیا!ستاڅخه لیري په غموکي  اختر اړوم

مځکه دزړگي مي زلزلې جفاڅیرلې ده
څنگه به په مات ځان ددردونودا غر اړوم

لاري،ځان،وختونه مي څارل انتظارداسي وو
گروم دخوابدۍ به دي په څنگه هنر اړوم

اوښکي تویوم توږم له سترگوزماوستاکیسه
اه داڅه راسویدي؟! په څه دا خبر اړوم ؟

صدقه دهارون د زړه دونیاسوه صدقه ترتا
سرپرسرښېگڼي دشریانو پر شر اړوم...