آریانا افغان له مزارشریف څخه جده ته مستقیمې الوتنې پرانیزي

آریانا افغان هوايي شرکت اعلان کړی چې له مزارشریف څخه د سعودي عربستان جده ښار ته به مستقیمې الوتنې پیل کړي.
د شرکت په وینا، د دې هوايي لارې موخه د شمال زون اوسېدونکو ته د ترانسپورټي اسانتیاوو برابرول دي.
آریانا افغان وايي، د مستقیمو الوتنو له پیل سره به د مزارشریف او د شمال زون د ولایتونو مسافر سعودي عربستان ته د سفر لپاره له پخوا ډېرې اسانتیاوې ولري.
د دې لارې له فعالېدو وروسته به مسافر وکولای شي د مزارشریف او جده ترمنځ په مستقیم ډول تګ راتګ وکړي او د سفر په بهیر کې له اضافي ترانزیټ څخه ډډه وکړي.
شرکت د الوتنو د پیل کره نېټه او مهالویش نه دی په ډاګه کړی، خو څرګندونې یې ښيي چې د مزارشریف او جده ترمنځ د هوايي اړیکې د رامنځته کولو لپاره چمتووالی نیول شوی دی.