عبدالمنان هنر ( کلات)

ورځ ده هغو ده چې په شپه کې ځانته کور جوړوي
له رڼا تښتي په تياره کې
ځانته کور جوړوي

زما باور دی د آه ږغ به له چا پورته نسي
چې هر سړی خپله سينه کې ځانته کور جوړوي

چې د خدای قهر ورته وسي او له مځکې اخلي
راشي زموږ په محله کې ځانته کور جوړوي

اول دي خال وپوښتي څرنګه تک شين سويدی
بيا دې د زلفو په سايه کې ځانته کور جوړوي

بس زما
پير دی زه يې بې شرطه لاسنيوی کومه
څوک چې د ميني جزيره کې ځانته کور جوړوي

ودې مين ته به هنره چا
دعا کړې وي
چې له جانان سره کوڅخه کې ځانته کور جوړوي