عطاالله خوږیاڼی

څـــومره ښه جانانه چې موږ دواړه وکړو سوله
خــفه منځ کې پرې نږدو سره واړه وکړو سوله

ښه کلکه غیږه ورکړو،ښه کلک سره پخلا شو
ناره وکـــــــړو همدغه،ورور مه ژاړه وکړو سوله .

نـور ښــه د نـفـرتو له ښار زاړه کلي ته لاړ شو
نور ښه مې د بابا په نوم،هم شاړه وکړو سوله

اه چې موږ نه مروره،اه چې موږ نه کوم خوا تللې
هــــماغـــه راپــخـــــــلا،هـماغه ولاړه وکړو سوله

زه بـــه کـړم قلم اوچت او تم کیږده ټوپک دې نور
هـــــــــمـــدغه خوږیاڼیه ورنه غواړه وکړه سوله
1392/6/27
میدان وردګ

يمه پښتون څه ترهګرخونه يم
اوسم په کلې کې دغرخونه يم

چې درڼاراباندي غــږ ونکړې
لاتوره شپه يمه ســحرخونه يم

شې به پرهر،پرهرهمداسې پاتي
خوږه ځيګر،څه ډاکټرخونه يم

له ماد اوښکودباران تمه کړه
شغلي له کومه کړمه لمرخونه يم

دارته مې مه خيژوه صبروکړه
دمرګ سزا ته برابرخونه يم

دڅه ميله وکړم خوشحاله شمه
اوس هم روژه يمه اخترخونه يم

چې له منګيوسره يوځاى راتلي
له انجونوډک هغه ګودرخونه يم

يوځلې بيا پرې حجره ګرموم
ترنګ درباب يمه خنجرخونه يم

دخوږياڼي زړه به موړنه شي له تا
لاانتظارکوم اوترخونه يم

دوشنبه ١٣٨٨،لړم١٨ مه ،سهار ٧بجې

زمـــــا سلګۍ دي اوريدلې کنه
کلــــه دي لــــــــــږ ورته ژړلې کنه

ډک دسوچونومې کتاب دى له ستا
اشـــــنازما د، دردونو خبريدلې کنه

مادغمونو ســمندرکې چې لامبو وهله
چې غرقيدمه، وايه ته هم کړيدلې کنه

دستا دمېنې درس مــــــې ډېرلوستلى
دنيا ظالمه کې له مينې صبريدلې کنه

څنګ دي کنړګار،څنګه دي اوښکې تللې
اسمانه ته مېم، له غـــــــمونه درديدلې کنه

عــــــــــطاالله تا دغم بازار چـــــــــــــــــې جوړکړ
ستا رڼې اوښکې په کې څنګه خرڅيدلې کنه

١٣٨٨ کال دتلې دمياشتې ٢٤ دجمعې ورځ ١٢:٠٠ بجې