محمد بلال معروف

 زه د ستا له غمه مرمه
 ته بې غمه یې بې غمه

 راشه ومې کړه پوښتنه
 ای صنمه ای صنمه!

راشه قبر مې تیار شو
 درنه ځمه، درنه ځمه

 د زخمونو شمار مې مه کړه
 بس ملهم مې شه ملهمه

 معروف ځي درنه پناه شو
 پسې وګوره تر چمه 
 

زه چې دغسې اوبه يم
دا دې ويشتى وچ په زړه يم

ګرانه ولې راته وايې؟
ګران دې نه يم ګران دې نه يم

نن مې ښه پوښتنه وكړه
سبا مړ به درنه زه يم

جنازې ته ګوره راشه
ستا په لور به په كاته يم

اى ( معروفه ) ګيله مه كړه
داسې زه هم لكه ته يم