افغانستان د یو ورځنیو لوبو په درجهبندۍ کې له انګلستان پورته شو

د افغانستان د کرېکټ ملي لوبډله د کرکټ نړیوالې شورا (ICC) د یو ورځنیو سیالیو په نوې درجهبندۍ کې له انګلستان مخکې شوې او اووم مقام ته رسېدلې ده.
افغانستان ۹۴ نمرې لري، په داسې حال کې چې انګلستان ۹۳ او سریلانکا ۹۵ نمرې لري. افغان لوبډلې په خپلو تېرو اوو نړیوالو یو ورځنیو سیالیو کې پرلهپسې بریاوې ترلاسه کړې دي.
په دغو بریاوو کې له بنګلهدېش او زیمبابوې سره د درېاړخیزې لوبلړۍ ټولې سیالۍ هم شاملې دي. بلخوا، انګلستان په پاکستان کې د روانې درېاړخیزې لوبلړۍ په تېرو دوو سیالیو کې له پاکستان او سریلانکا څخه ماتې خوړلې دي.
انګلستان د سریلانکا پر وړاندې د ۴۳۰ منډو هدف په ساتلو کې هم پاتې راغلی دی.
هند د ۱۱۵ نمرو په لرلو د یو ورځنیو سیالیو د درجهبندۍ په سر کې دی او نیوزیلنډ د ۱۰۹ نمرو په لرلو دویم مقام لري.