افغان اتلان · ادب او کلتور
پښتو شعرونه
د پښتو شاعرانو نړۍ ته ښه راغلاست
299 شاعران4249 شعرونه
غزل
اوس پکې يــو بـــل ته غزل نـه وايي
ځکه مې اوربـــــل تـــه غزل نـه وايي
ټول غـــــزل پـــــه خپله وينه ليـکـمه
تــــه بـــــه مې غزل ته غزل نـه وايي
رنګ يې ستا د شونډو نه اخستى دى
څنګه! بـــــه سور ګل ته غزل نه وايي
ستا دا ليونۍ سترګې به مړ کړې مــا
بيا بـــــه مې اجـــل ته غزل نه وايي
ټوله د غــــــزل پشانې شوخـــه يـــم
څنګ بـــــه مې مزل ته غزل نه وايي
ستا نصــــرت خو تا پسې پاګل شولو
تـــــه پکې پـــــاګل تــه غزل نه وايي