افغان اتلان · ادب او کلتور
پښتو شعرونه
د پښتو شاعرانو نړۍ ته ښه راغلاست
299 شاعران4249 شعرونه
غزل
په خپل کورکې له پردو سره مې ژوند دی
له غمونو او دردو سره مې ژوند دی
په خپل کور یمه له واکه غورځيدلې
د بل سیوري لاندې تلو سره مې ژوند دی
هسې نوم د ازادۍ دى چې يې اخلو
تش په نوم له دا نارو سره مې ژوند دی
زما ژوند کې بس همدا شیان به مومې
د وژنې او مرګو سره مې ژوند دی
د فریاد د اوریدولو ځای مو نشته
ربه! تاته په زارو سره مې ژوند دی
ورونه خپلو کې ځانونه سره وژني
د سرزورو پښتنو سره مې ژوند دی
کار او کسب ورته ستر بلا ښکاري
د بی کاره ولـــسو سره مې ژوند دی
د "عادل" ذات عبادت نه بى پروا دي
ګنهګارو پرګنو سره مې ژوند دی.