افغان اتلان · ادب او کلتور
پښتو شعرونه
د پښتو شاعرانو نړۍ ته ښه راغلاست
299 شاعران4249 شعرونه
غزل
نړۍ هوسا ده خو زه ژوند لکه فقیر کومه
افسوس په خپله زندګۍ او خپل تقدیر کومه
افسوس په خپله زندګۍ او خپل تقدیر کومه
د زمانې نادودو دومره زورولې یم چې
په زنګانه مې خپل سر ایښې دی او ویر کومه
په زنګانه مې خپل سر ایښې دی او ویر کومه
ړانده ماحول کې مې له ژوند سره جفا کړې ده
رڼا نړۍ کې به ارو مرو تغیر کومه
رڼا نړۍ کې به ارو مرو تغیر کومه
د بیګانه وو په لمسون مې خپل وطن نړاوو
پښیماني مې زه د کړنو په تآثیر کومه
پښیماني مې زه د کړنو په تآثیر کومه
زه د جګړی نه ستړی شوی یم خپل کور ته راځم
اوس قضاوت له خپل ضمیر سره په ځیر کومه
اوس قضاوت له خپل ضمیر سره په ځیر کومه
چې مې رابولي اتحاد ته یو عادل لټوم
زه ځان تړنه اوس د سولې په ځنځیر کومه
زه ځان تړنه اوس د سولې په ځنځیر کومه
۱۳۹۷-۱۲-۱۲