افغان اتلان · ادب او کلتور
پښتو شعرونه
د پښتو شاعرانو نړۍ ته ښه راغلاست
299 شاعران4249 شعرونه
غزل
اوس مې په زور او نا زور باندې پوهېږم
د دې خپلو چيغو شور باندې پوهېږم
د جانان د مړاوو سترګو سوی سوزه
صبر صبر ستا په اور باندې پوهېږم
نور که ړوند يم که بينا يم ته مې وينې
يو دا ستا په سپين او تور باندې پوهېږم
د دې خپل ژوندون کيسه مې چاته وکړم
د دې خپل ژوندون په سور باندې پوهېږم
د تکل د لاس شراب يې رانه څښلي
د تکل د خولې پېغور باندې پوهېږم