افغان اتلان · ادب او کلتور
پښتو شعرونه
د پښتو شاعرانو نړۍ ته ښه راغلاست
299 شاعران4249 شعرونه
غزل
څومره ترخې دي زموږ د کلي کوڅې
د غم ميرې دي زموږ د کلي کوڅې
لاره دې بچه کړه پرې مه راځه نور
سړېخورې دي زموږ د کلي کوڅې
قدم دې ورو ږده په وينو نه شي
په وينو سرې دي زموږ د کلي کوڅې
دمينې غل په نيمه شپه راغلی
ځکه سړې دي زموږ د کلي کوڅې
تاوو د ګل پاڼو هديرو کې ګوره
جوړ هديرې دي زموږ د کلي کوڅې
تکله کېږده ،سبا څڼو کې ګل
نن که لمبې دي زموږ د کلي کوڅې