افغان اتلان · ادب او کلتور
پښتو شعرونه
د پښتو شاعرانو نړۍ ته ښه راغلاست
299 شاعران4249 شعرونه
غزل
همداسې ښه يمه بې ياره بې جانانه ښه يم
داسې بې مينې ښه يم داسې بې ارمانه ښه يم
شېخ او زاهد که د ريا په سمندر کې ډوب دي
زه بې سجدې ښه يم بې زهده بې ايمانه ښه يم
نور مې د زړه پر کرونده د مينې کر نه کوم
لکه للمي زمکه بې کښته بې بارانه ښه يم
د ښکلو ښکلو منتونه په سر نه شم وړلی
يوازې ښه يمه همداسې بې احسانه ښه يم
اتل بلد يمه د غم له تيندکونو سره
د ژوند په ګرانو لاروډېرستړی ستومانه ښه يم