افغان اتلان · ادب او کلتور
پښتو شعرونه
د پښتو شاعرانو نړۍ ته ښه راغلاست
299 شاعران4249 شعرونه
تپوس
سترګو نه دې وپوښته دا کتل کتل څه دي؟
غشي په ګوګل زما سر په سر ويشتل څه دي؟
ستا د محبت په تور ښه شوه چې تورنه شوم
سترګه د سبا ښه يم اوس نو پټېدل څه دي
چا ويلې چې ستا د عشق، ګل راشوکوى نه شم
سر په سر ګلونه مې ياره په وربل څه دي؟
رنځ د خوږې مينې دې پټ په زړه کې ساتمه
اوښکو ته حيرانه يم داسې وير کول څه دي؟
پرخه شومه پرېوتم پښو ته دې اشنا پرون
خاورې شوم ايرې شومه اوس دې نو ژړل څه دي؟
زړه د صفيې درته پټې دعاګانې کړي
لوړ همت مې لوړ ښه دى جار باندې ويل څه دي؟