افغان اتلان · ادب او کلتور
پښتو شعرونه
د پښتو شاعرانو نړۍ ته ښه راغلاست
299 شاعران4249 شعرونه
لکه شمعه
که خندا غواړې ژړا کړه لکه شمعه
ځان کړه ویلې زړه رڼا کړه لکه شمعه
که یاران غواړې خوشحاله په محفل کې
خوله خندا په بې ریا کړه لکه شمعه
که ایثار دچا نه غواړې ځان ایثار کړه
په سره اور کې مشغلا کړه لکه شمعه
په رښتیا که خدمتګار دخپل ټولي يې
په ولاړه شپه سبا که لکه شمعه
تړمې تړمې اوښکې غورځوه ځګر ته
زړه په سرو اوښکو صفا کړه لکه شمعه
اور دې واچوه هستۍ ته بیا رهبر شه
تیارې وڅېره ځلا کړه لکه شمعه
په سره ژبه دې دشمن ته ځواب ورکړه
دوست په مخکې رهنما شه لکه شمعه
اې (هاشمه) دا دخولې خبرې نه دي
په عمل کې ځان فدا کړه لکه شمعه