افغان اتلان · ادب او کلتور
پښتو شعرونه
د پښتو شاعرانو نړۍ ته ښه راغلاست
299 شاعران4249 شعرونه
د وطن غمیزه
چې حرم مو د وطن راته ماتم شو
هره خوا ځمکه سما راته تورتم شو
په ځان پوه نه شوو چې کومه لار شوه غوره
په هر لور چې د چا مخه شوه پرې سم شو
توره تېښته وه یو بل ته ستانه نه شوو
هر یو هرې خوا چې پاتې شو په غم شو
بې خوندي شوه خوند یې لاړو هجرت نه شو
بیخ بنیاد مو پرې راوخوت راته بم شو
دعزت په خوان چې ناسته وه هغه نشته
جیره خوار شو سرمو هر چاته راخم شو
خجالت یو یو دبل نه موږ شرمیږو
شپې او ورځې په دارنګ راته الم شو
د (هاشم) په زړه پولي دغم راخیژي
راته ښکاري باقي عمر په دا چم شو
کاکشال، پیښور (۲۸/۸/۱۹۹۹)