افغان اتلان · ادب او کلتور
پښتو شعرونه
د پښتو شاعرانو نړۍ ته ښه راغلاست
299 شاعران4249 شعرونه
غم د آخرت خوره
چې د چا شي نوم په نیکو باندې یاد
څه به غم خوري په رښتیني د اولاد
نه یې مال نه یې دولت وي ور په کار
ښه هغوی دي چې په ښو باندې وي ښاد
چا چې کور د خټو جوړ کړو هغه خام وي
پوخ هغه وي چې تهداب لري بنیاد
دا رښتیا چې د دنیا کورونه وران دي
دا خبره سي هم واوره په بنیاد
ته دې غم د آخرت خوره چې باقي دی
په دې قول به مې ضرورکړي اعتماد
پس له مرګه له هر کاره لاس خطا شي
که هر څو پسې ویر وکړې هم فریاد
د (هاشم) دشعر متن ته په ځیر شه
د قرآن، او دحدیث دی دا ارشاد
پیښور- پښتونخوا (۲۹/۱۱/۱۹۹۸)