افغان اتلان · ادب او کلتور
پښتو شعرونه
د پښتو شاعرانو نړۍ ته ښه راغلاست
299 شاعران4249 شعرونه
درد کوي
څو پورې به زړه وايم چـــې درد کوي
نور نو درته نه وايم چـــــــې درد کوي
رنګ مې د بدن ترجمانــــــي کــــوي
ولې به په خوله وايم چې درد کـــوي
سترګې دې را کاږي لا زړګی زمـــــــا
جنګ کې به نو څه وايم چې درد کوي
څومـــــره وړه غيږ کې سمندر ګرځۍ
کله مـــــې بــاڼــه وايم چې درد کوي
ته خو د اټک ستــــرګو تـــــــــه وګوره
څه به درته زه وايم چې درد کـــــــوي