زخمـي دې نـه کــړي يــاره پـه قســم دى خـــــطرناک
تنکى مـخ دې ترې سـاته چـې شـبنم دى خـــــطرناک

يو وخت به مې شي زړه ټوټـــې ټوټـــې هوا ته پورته
يو څوک يې مينځ کې پروت لکـه د بم دى خــطرناک

حـيران يم چـــې دې څنګـه دا مغــــــروره دلاسـا کړه
ملا صاحب! د ځـان په څــــېر دې دم دى خطرناک

بس ټک پسې بل ټک شي په زړه غبرګ ټکونه راکړي
هـر نـاز يـې پـه والله لکــــه لــــــړم دى خطــــــرناک

وېـرېـږم د چا ياد يې ريـښـې غوڅې نـه کړي خدايه
هـر وخــت د فضلـيار زړه تـه اړم دى خطـــــرناک