افغان اتلان · ادب او کلتور
پښتو شعرونه
د پښتو شاعرانو نړۍ ته ښه راغلاست
299 شاعران4249 شعرونه
غزل
زړه رانه نه اخلې؟کوم کار د ثواب نه راکوې؟
شرره! غلی شه بس نور به عذاب نه راکوې!!
ما مې په زړه لاسونه ايښي چې درزا ونه کړي
ته په اوربل ګوتې وهې او ځواب نه راکوې
تا وی چې زړه مې په لمبو د مينې وسوځاوه
ما وی قربان شمه دا سوی کباب نه راکوې؟
باڼه دې نیغ شو او غومبورو دې لمبې وکړې
د دې ازغو منځ کې دا ښکلی ګلاب نه راکوې؟
شرره یاره یو په دوو کې دې حیرانه کړمه
ای لیونیه! کوم یو بل انتخاب نه راکوې؟