افغان اتلان · ادب او کلتور
پښتو شعرونه
د پښتو شاعرانو نړۍ ته ښه راغلاست
299 شاعران4249 شعرونه
غزل
برى يې نشته ناكاميږي سړى
مينه كې هر وخت بدنامېږي سړى
د دغه وخت په ښكلو، ښكلو باندې
بد به كوي چې مينېږي سړى
زما كه اورى سره ښه مه كوئ
ښه سړيتوب كې خرابېږي سړى
پدغه ورځو كې كابل ته مه ځئ
چا راله وې پكې ورانېږي سړى
وخته لوټ شوى وي پدغه ښار كې
څو چې په ځان باندې پوهېږي سړى
منمه ډېر دي خو توپير يې ګران دى
سړي نه ډېرو كې وركېږي سړى