افغان اتلان · ادب او کلتور
پښتو شعرونه
د پښتو شاعرانو نړۍ ته ښه راغلاست
299 شاعران4249 شعرونه
رنګینې څانګې
له سرو شونډو موسکا تاو ده شین یې خال په تندي کیښود
جادوګــــــــــړې، میــــلمه پـالې، ښکلا جال په تندي کیښود
د مستیو هار رنګیـــــــــن شـــــــــــو د لالــــــــونـــــــو په نڅاوو
سپیدو بیا له سره افق نه سپین مشال په تــــنــــــــدي کیښود
د آسمان د مښکو څاڅکي د ګلاب رخسار تــــــــه درومــــــي
هر یوه ګل د پرخې غیږ کې بیا وصال په تنـــــــدي کیـــــــښود
کشمالو کـــــــړې څڼــــــــــــې غــــوړې د پاسته نسیم وږمو ته
فضا بیا د عطرو جام، د خنــــــــــــــدا ټـــــال په تندي کیښود
میلمستون د ځیګرونو په لیمو ورتـــــــــه فــــــــــــرش شوی
د بخملو په چکچکو خوښۍ کال په تــــــــــندي کیــــــــښود
را چاپیر یې کړه لاسونه بل یې خوله راکـــــــــــــــــړه د مینې
احمدي رنګینو څانګو زرغون شال په تنـــــــــــــــدي کیښود
کابل د ۱۳۸۵ د کب ۲۶ نیټه د میلادي ۲۰۰۷ کال د مارچ ۱۷ نیټه