افغان اتلان · ادب او کلتور
پښتو شعرونه
د پښتو شاعرانو نړۍ ته ښه راغلاست
299 شاعران4249 شعرونه
غزل
په ساده سترګو کې دې غلا پېژنم
هر څه دې پېژنم چې تا پېژنم
زه خو څه نه وايم موسېږې ولې
بې لوظه ياره زه خو تا پېژنم
جار دې له زلفو نقاب مه اچوه
زه خو هم شپه او هم سبا پېژنم
ته به مې پېژنې دروغ به نه وي
زه خو دې ښکليه په رښتيا پېژنم
کله ساقي کله پيالې ته ګوري
زه به محفل کې وارخطا پېژنم
د ډېره سوخته په خندا شوې حمزه
دا دويم رنګ دې له ژړا پېژنم