عبدالصبور ټکر

نور به زلمي قلم په سر ږدي، ټوپك اور كې سېزي
كتاب پر سترګو، پر ځيګر ږدي، ټوپك اور كې سېزي
نور د پرديو په لمسون خپل كلي نه ورانوي
ډېوې د علم لر و بر ږدي، ټوپك اور كې سېزي
دوى ته تعليم په كار دى، دوې لسيزې جنګ ځپلي
قدم د هر ښوونځي په در ږدي، ټوپك اور كې سېزي
تل به د خپل وطن د هر بچي پالنه كوي
بېل پر اوږه، هر يو بزګر ږدي، ټوپك اور كې سېزي
عبدالصبور ټكر د هغې پېغلې خال يادوي
چې په قلم يې په هنر ږدي، ټوپك اور كې سېزي.