سخي سرور مياخېل

اوښکه وم شبنم په څير د لمر غېړه کې ولويدم
پرخه پر ګلونو د سحر
غيږه کې ولويدم

شين به شم زرغون په شم څه خاوروکې که پريوتم
ګل به دلاله شم د پرهر غيږه کې ولويدم

پيعلې په مې وټومبي کمڅيو کې سم
سور به شم
سور ګلاب په څير د مازديګر غېږه کې ولويدم

مات ومه منګی وم د کلال په لاس جوړ شوی وم

جنګ د پيعلو مينو ؤ ګودر غيږه کې ولويدم

ستا د مخ ښايست ټول کاينات په لړزا راوستل
زه خړ پړ پښتون
وم د خيبر غيږه کې ولويدم

هسې اسمانونو نه راپريوتم يو ستوری وم
پريوتم پر ځمکه د دلبر غيږه کې ولويدم

مينه مينه وايم مياخېل چېرې په هوا کې وم
ټکنده غرمه وه د تور غر غيږه کې ولويدم