ډاکټر الکوزی

د بشر قصابان
 څوک مسجد په لار کښی څوک خو هم ته په سجده وژنی
 څوک په بی وزلی کښی تل څوک په اوداسه وژنی
 ته قاضی نن چا کړی چی نا حق فیصلی تیری کړه
 دی ظلم ته ګوره مسلمان روژه پر خوله وژنی
 دا څنګه انسان یی چی خپل ورور په بیګانه وژنی
 ولی دا تنکی ځوانان ته ډیر بیرحمانه وژنی
 وربشی آخر ته دی قهار ومحکمی ته هم
 څوک د چا په نوم څوک خو هم په بهانه وژنی
 ګوره هر بچی ددی ملت په وینو رنګ دی کړ
 سترګی د ړندی شه چی عالم ټو ټه ټوته وژنی
 ته خو تو ر ښامار یی خپل بچی به ته هم خوری یو ځل
 وران به دی خپل کور شی ته چی تل خپل همسایه وژنی
 پر یږ ده چی آباد ړنګ وطن شی ای خونخواره نن
 دا څنګه انصاف دی چی امام ته په سجده وژنی
 کوم د جامعی فاسق فاجر د نن وژلی دی
 ته خو اینجینیر ډاکتر عالم غوندی ډیوه وژنی
 ته د چا زوی نه یی ته غلام د بل وطن یی تل
 ته چی دا نورس ګلان په سمه ام شیله وژنی
 دا د شهید وینه به یو ځل درته دوزخ شی هو
 ته چی ببر سری یتیمان ډیر په ناله وژنی
 کونډی بوری ګوره د بل در کښی چی خیرات غواړی
 ای د زقوم بوټیه تل خپل خار ته پروانه وژنی
 اوس که له چا نه بیریږی ورځ ته د محشر ګوره
 ته ډارن دښمن یی په کمین کښی سره لاله وژنی
 ستا به داسی مرګ وی چی کفن به دی نصیب نشی
 ځکه ته تنکی موٌ زن همیش په آذانه وژنی
 ته خو هر ماشوم افغان ډیر شه نن پیژندلی یی
 ته خو شاه شجاع یی زنانه او نارینه وژنی
 زهر دی دا کلداری شه قصابه چی اخلی نن
 ته د شرق په خوله د آسیا باز ډیر په هیلی وژنی
 نور نو د فضلی افغان د صبر کاسه ډکه ده
 ته چی بر او کوز با توران ټول پښتانه وژنی

د افغانستان پارلمان او وکیلانو ته
 سره او سپین پکښی خر څیږی پارلمان زموږ دوکان
 ځوان بوډا پکښی را ټول دی دا د سرو زرو دی کان
 دوی په نرمو څوکی ناست وی څوک بیده څوک صرافی کړی
 د افغان د فریاد ځای دی او که دا شهر نا پرسان
 چاته زنګ له ایران راشی څوک غلام د پاکستان دی
 دا پنځه که پکښی پاک دی هغه هم هک پک حیران
 په والله که د پنځو خرو کړی وربشی سره بیلی
 آرایش ته یی چی ګوری دا هوټل د شبستان
 چی یی کښینوی کمری ته مملکت به دی در جوړ کړی
 دا خو کور ددی ملت دی لیونی ورته حیران
 سره ټول شی چی سبا به د وزیر څرمن اوباسو
 شپه چی تیره شی سبا شی وزیر نه دا وزیر خان
 د چا زوی ورته ریس کړی چاته ورکړی یو شراب
 هر څه هیر شی زیړی لمر شی بیا دوی سپین شی لکه سان
 چی یی ګیډه لږ خالی شی په والی پسی به ځغلی
 ځی چی ځو والی خا ین دی وریا دیږی یی پسان
 خدای ورکړی رڼا ورځ ده دا زموږه وکیلان دی
 حق باطل کړی باطل حق کړی دا د خلکو قاتلان
 چی پیسی د کړی وریادی د میرګی دوره پری راشی
 وایی څوک درته په دار کړم سمدلاسه جلادان
 وزیر هسی په عذاب کړی ډیر کارونه پری قبول کړی
 دوی شریک دی په هر څه کښی دا د چوک لوی ګڼکپان
 د وکیل نوم که تعریف کړی پدوی موږه وشرمیږو
 ولی داکار خو دوی نکړی دي خلاف د خپل وجدان
 د اوولس وینی دوی پلوری دي دهر جرم عامل
 هر خلاف عمل چی کیږی دغه ټول یی استادان
 دوی له چاه ونډه اخلی د ویدو په ښآر کښی اوسی
 د ځنګل قانون یی جوړ کړ اوس دوی ټول قانون پوهان
 اکثریت یی را معلوم دی چي په چل او ول را غلی
 خپله غله دی را ټول شوی ټول فاسق او فاسدان
 له قاتل سره یی تول کړه دوی همیش درانده پری خیږی
 ځکه دوی د فساد جرړی د هر قتل عاملان
 وکیلان مو دی لمر مخی د ډالر و اړخ ته ګوری
 موسسین د سوخته پل دی د پوډر کار او باریان
 سوخته پل پر دوی آباد دی پوډری به چیرته اوسی
 دوی که نه وای وکیلان دغه پل به اوس ووه وران
 زموږ عسکر سینه سپر کړی په سرو وینو کښی لمبیږی
 د هغوی ډوډی همدوی خوری لنډ کروزر پری دی روان
 پارلمان ته رهنما ده خرڅ، کرایی، ګروی کښی ګوره
 دا تنحواه ددوی شه زهر هم رسوا شی په جهان
 مطمعٌن شی چی څوک شته د قهار جزا به ګوری
 د مرګی کاروان مو هیر دی په لار درومی د شیطان
 ټول کم اصل را ټول شوی اصل نسل مو ورک شوی
 په شخصی ګټو پسی درومی چی بلډینګ یی شی ودان
 فضلی دا بیشرمه کور شو نه حیاه هم نه غیرت شته
 د اوولس امید مو قطع ودان شوی کور مو وران

 

زما ګرانی خوری ستا له چیغو او زارو نه قربان
 ستا پاکی وینی تودو اوښکو او سلګو نه قربان
 څو لنډه غرو لیونو سپو بی حجابه کړی نن
 ستا ببر سر، سوی بدن او لوڅو پښو نه قربان
 ته د کوډګر اود سحر ګر د خولی خوراک شولی نن
 مور دی شوه بوره ستا کفن او جنازی نه قربان
 ستا شهادت به پدی خاوره انقلاب راولی
 ای ګرانی خوری ! ستا دبدن تورو لمبو نه قربان
 دوی به هم ویاړی چی یی کار د شهامت وکړ نن
 دابی غیرته کوڅه ډب ستا له غیرته قربان
 دا بی همته تل په بازار همیش تور سری داړی
 ددوی په څیر داسی سلها ستا له جوهره قربان
 ددوی څیری پدی دنیا ددوزخی ښکاری نن
 ستا د سپین مخ له نور او داسی سپین سحره قربان
 کاش او افسوس چی لږ خبر خو له اسلامه وای دوی
 ستا په سینه کښی دفن شوی سپین قرآنه قربان
 دا فاسقان غوږ ګوری نه تل په پیشو پسی ځغلی
 ستا داړل شوی ببر سر او سور ټټره قربان
 دداسی خواری او بیوزلی سینه سپر کړی فضلی
 له فرخندی غوندی خورکی سل بی هنره قربان