خالد پښتو ن

غزل

خالد پښتون

 

دوهم په تيارو کې او دشک په نيمه لاره
احساس راته اوس شوي چې يم ورک په نيمه لاره

 داڅه رنګه طلب دی او داڅه رنګ لټون دی؟
 ولاړه يمه حيرانه اوترک په نيمه لاره

نظر مې ليونی ليونی ګورو اخوا ديخوا
ورک شوی لکه مور نه وی هلک په نيمه لاره

خلوص دپښتنو مې دکابل سينې ته وړلو
لوټ شوی  يم يارانو دبولدک په نيمه لاره

يو چا جوړې ياد کړی يم پښتونه نه پوهيږم
خوړلی مې نن بيا چې دی تيندک په نيمه لاره

غزل

دارتقا هرې لحظه کې اوسي
ژوند حرکت دی په ذره کې اوسي

له خپل محوره څوک وتلی نه شي
وختونه هم په دایره کې اوسي

دلته کې نښې دشعور لیدی شي
دلته رڼا په توره شپه کې اوسي

زه دژوندون په هغه پورې پړاو
تصویر مې دلته آ ينه کې اوسي

دمازیګر سېوري دوکه دې نه کړي
وړوکی قد لوې سايه کې اوسي

                    خالد پښتون