محمود نظری

زموږ دښمن نه تورپنجابي دی
نه مودښمن سور روسي دی
پر موږ د انساني رنګونو باران دی
نه موهمدا دښمن ژیړ امرکایي دی
هیڅ دښمن نه لرو په دې دنیا کې
زموږ بې رنګي زموږ دښمن ازلي دی
ټول انساني رنګونه مو خوښ دي
مګریرغل ګر تل ببر پر افغاني دی
دواک وږي پر چیچو غاړه هر رنګ راوړي
مورپلورنکی زموږ دښمن اصلي دی
یو لاس د پيازي نیولی بل د شیرچائي
هغو ته دا اکت د رنګ دوستي دی
له بېسواده که دبا سواده ګیله وکړو
ملامت نه الوانی نه زنګالی نه لاجوردي دی
هر څه مو د خپلو مور پلورو د خوله او لاسه
هر غل اومورپلور مو په نوم د جهادي دی
هرمور پلور موسي پردي مستو سپو ته سپیمه
دسپو مخي ته ولاړ ډبره په لاس اصیل افغاني دی
سپي دوه لري دوه پورکړي لکه یوغۍ مخ په هوا تښتي
بیا یو بل راځي د لاس یې ټینګ نیولی تورباڼجاڼي دی
چې د چور لپاره ځان مجاهد بولي هغه مورپلور دی
هغه غل غدو غلام د پيازي هم لعلي هم اناپي دی
ترکله به دا مورپلور په دې رنګونو زموږ بیرغ ټپلي ټپلي کوي
ایا واک پر افغانانو لا پاته دبرګ ، اسماني او نسواري دی
عجبه وخت سو چې ژیړ کېشه کړې دبل په چېچو سور راځي
لا دهر مورپلور دباسیکل پر کونجوغه ولاړیو خړسوپري دی
راځي چي خپل تور ،سو ر او زرغون رنګ په سرو وینو وساتو
څوک چې نور رنګونه غواړي هغه اقغانانو ته لیمویي دی
سوپری (مفعول )

طنز

په نوي اساسي قانون کې غل هغه دی چې غلا نه کوي
ښه مسلمان هغه دی چې په خوله د طالب ملا نه کوي
حرام او حلال کارونه سره ګډ سوي دي دې وطن کې
ښه جهاد هغه دی چې مسلمان یې في سبیل الله نه کوي
ښه کارونه په دې ملګ کې لکه د دوبي وریځ په اسمانو ګرځي
داسې بدکړه ان مادر زاده او اصلي شیطان او هېولا نه کوي
عوام وژنه شکول اولوټ روان دی هر چیري چلیږي لکه هوا
داسې کارونه چې بسلمانان کوي ان هغه د اسلام بنګولا نه کوي
هغه چې وي د دې وطن د دښمن ته لاس په نامه ولاړ غلام
داسې په نامه مشران د خلکو په غم درد ژړا انګولا نه کوي
دلته هر واکمن له هوا بې اودسه او جنوب راځي له بهره
څکه یو يې هم په ښه کار اعو‌‌ذ بالله بسم الله نه کوي
دې ډیموکراسي داسې بیزو واني په عوامو خلکو وکړل
چې پر ښکلي ناوې یې توره شپه ان تک تور شابالا نه کوي
غلو داسې حال په دې وطن راوست لکه مچخ په کښت او ونو
چی د زرو کالو ټنبه یي دننه ان په بیت الخلا نه کوي

طنز

دلته د سایز په اندازه هر چا ته څوکۍ جوړیږي
هر چا ته د غلا په اندازه جیبونه د صدرۍجوړیږي
په دې بې خولې خلکو هر ډول ناولي بابولالې چلیږي
دا وطن کله د ارګ دغلو د خولو په پسکۍ جوړیږي
په دې پکو غټو ټپوسانو اعتبار مه کوه د ښکار
دا وطن په رنګونو ، کله په رنګ بدلونکی څمڅکۍ جوړیږي
د وطن ناوې ښه ډیر پسولو نه او سینګارونه غواړي
افغانی خواره ناوې کله یوازې په یوه نتکۍ جوړیږي
دوطن خلکوته د ښادیو ډک دستر خوان په کار دی
داملا ماتۍ بی خانده ملت کله مازې په ټګۍجوړیږي
پسرلی رنګارنګ ګلان ، شنه باغونه او بلیلان غواړي
پسرلی کله د بهر راغلی په یوه دانه توره توتکۍ جوړیږي
وطن ته خدمت کله په داسی لاپوکو ځان مینو غلو کیږي
ازاد وطن د مشر په شخو برېتونو او ډانګ لکۍ جوړیږي
ډاکټرانو دهر درد لپاره پاراسیتامول نه دي په کار
د نس درد بیا کله کله یوازې په وطني سپېرکۍ جوړیږي
ناوې تا ته په هر کار کې خوشحالي اوخندا په کار نه ده
دواده په شپه د موراو پلار زړه ستا په هنکۍ جوړیږي
داشغال دولت دی همدومره مردارۍ یې لا لږ دي
دلته هر دوره ښېښه محل د ډبل په چټاکۍ جوړیږي

طنز

لوی مارغان مو په مرداریو ماړه سول اوس تاج د مارشالي غواړي
اصیل کارغان مو د ځنګل لوړې ځالې او په ګوربتانو باداري غواړي
داسې سوړ باد راالوتۍ دی په دې خودآباده د عصري بوټو په ځنګل
هر خړ ټپوس هر څه د پک سر په زور له دولته غیر قانوني غواړي
دواک لپاره هر بدل سړي لکه سپي دمردارو غوښو لپاره جنګیږي
دبا ابرو غلا لپاره څوک ډبل عبدالله څوک سنګل غني غواړي
د ارګ غلو واکمنو نورو غلوته ویته خوله اوچوغې سترګې دې نیولې
هغوی هم یوازې دوام د ځان د سورتخت او پاچاهي غواړي
د ارګ مشرانو ملي ورځي بلکل هیر ي دي په ملي اتلانو لوبې کوي
ارګ په دې کار یوازې د وطن دخډلانو غاښ سپیني او خوشحالي غواړي
چې یو بیله پښتونه د بل کوم کام پړسیدلی سړی مړ یا شهید سي
ارګ بې سوچه ډهغه نوم د یو ملي اتل دنوم په ځای میخ ول دستي غواړي
داختر دود دی کشران دمشرانو کره نخود ، ماچې او کولچې خوري
زموږ مشران اوس په ویاړ یوازې د کوچني سمسارو لاس بوسي غواړي
اختر کې غني ځي د عبداله کړه کرزی ځي دفهیمک جان کړه واه!
ان دمشرانو مو سل په سلو کې زړه دداسې کشرانو د پښو چاپي غواړي
وايي بهرنیو ډاکټرانو غلو هم چندان سیلابی چپاول دې ځنګل کې ونه کړ
اوس پارلمان بیرته پخواني اتلانو غلو ته جواز د دوکانداري غواړي
هر څه د خیرات پيسې چې راځي بیرته ښوی له مورۍ «شور»وځي
یو چورانک په دار نه سو یا زور لري یامحاکمه له هغو ففتي فیفتي غواړي
قانون سته خو هر یو چي اوږده ژبه او ببر سرلري په خلکوه سرداري کوي
دا ځنګل له ښکاره ډک دی مالک نه لري دهر ښکاري خود زړه زور زیاتي غواړي
نوی سیاست وایي «په وطن کې شرمښان خوشحاله ،رمه خوشحاله »
ارګ مو اوس دملت په انګولا کې د شرمښانو سره پوره انډوالي غواړي
ارګه له ترامپه دا نوی سیاست زده نه کړې چې دنوبل جایزې اوبیا ټاکونولپاره
په خپله ګټه افغانستان ،ان خپل ملت او ټولي دنیا ته سمه دمه سر دردي غواړي

طنز
وطن مو په پوري وهلو سل کاله تر شا کړ
چا مو ویاله چا موسیند د یو بل پسې غلاکړ
دادکوم بدمخي جادوګر دښمن نخښه وه
هر لوی خاین یې راته دلته مجاهد او ملا کړ
دهر ملنګ یې د وزارت او ریاست پټکی تر سر وتړله
د تعلیم پر ځای یی القاب ورته مجاهد او اغا کړ
امریکا دخپل ټکس په پیسوښه تجارت وکړ
خلکو ته یې هر امریکایي سکه بچی اولیا کړ
چا دبرق پیسې وځغلولې چا د روغتونو ددوا
اساسي قانون دپاک وطن چور او پلور رواکړ
غله چارواکي ټول ډالري میلیاردران سول
هر یو ځان ته یو تبلیغي تلویزیون هم پيدا کړ
ډیر د مقام لیوني ناړې بهیدلي سپيان سول
د واک لپاره یې په څو لارو ټول واک دغل لالا کړ
دیو ټېم د کدر توپیر د غلا په بیزوواني کې له بل سره نسته
دې دواړو د په خپلو ژړو داړو دا ملک څیري او تباه ګړ
څوک د امریکا څوک د روس او کډوانوغلامان سول
د پردو لپاره یی خپل وطن په خپلو غاښو پوفنا کړ
ددې غلا له ویروس څخه نه جوړیږي دا وطن
ځکه اشغالګرودا ټول نسل اموخته په وطن زنا کړ

طنز

جار سم ستا لکه سویی دا رډي مډي سترګې
جا رسم ستا دکروتو لپاره دا ټیټی میټي سترګې
ته خو نه موږ ستا په کړو مړو ډیر شرمیږو
جا رسم ستا دقدرت لپاره دا ویتي میتي سترګې
داسې خبرې کوې څوک له ورایه پوهیږي درواغ وايې
جارسم ستا داده دعوه جلابي وچي مچي سترګې
له نکټايي سره دخلکو په په پزو لکه کرونا ننوځې
جار سم ستا دغوښو لپاره دا وږي مږي سترګې
سترګې مې لیدلی نه دي داسې لکه دا ستا سترګې
جار سم دښکار لپاره داستا رټي مټي سترګې
اوریدلي مو دي چغر، بیجیا ، کاجر او چچړ
په تاریخ کې نه دي راغلي لکه ستا داسې چوغي موغي سترګې
دبایللو غورځنګ چې داسې وي دګټلو به څنګه وي
جار سم بیابیا ستا درواغو ویلو دا اېغي مغي سترګې
ستا د بایللو بیان چې داسې وي دګټلو به دي څنګه وي
جار سم ستا د چور لپاره داجنګي منګي سترګې
چي د بګیل سترګې داسې وي د وړونکي به څنګه وي
جار سم دمقام لپاره دا ستانېغي ګلمرجاني سترګې
په ټولو سترګو کې دي اول مقام یو وړ د بیشرمي
جار سم په تاریخ کې ثبت سوې ستا دا سپينې سترګې
هغه چې ځان نارینه بولي او ښه سینګار مینګارکوي
دهغه نارینه باید وي لکه ستا ډیری کمینې سترګې

طنز
راغلې ده دنیا ته توره نړیواله وبا
نوم یې وايي دی پاچاهي تاج یا کرونا
ښه قانون او عدالت زده کړه له کرونا
په هغه یو دی لوی شاهنشا اوګدا
دهغه لکه دتجارانو حرص لیري ګرځه
هغه نه لري د هیڅ سیاستوال هیڅ پروا
څوک چي ډیرورته نژدې سي دې پیري ته
هغه ته وایي مړینه خوش امدید مرحبا
***
وروره لاس نه درکوم ځکه راباندې ګران یې
کرونا پښي نه لري دهغه پښې لاسونه دي زما
برید ځایونه یې مسجدونه ، کلیساوي او مندرونه دي
د بنډارونو او بیروبار ځایونو تښتم نه ګورم تر شا
وړونو لږعقل وکړئ او هم توکل په الله
مه راوځي له کورونو تر هغه چې ورکه نسي دا اشا
ماسکونه واغوندئ او دسکشي په لاسو
واټڼ نیسئ د نورو خلکو چې دي ستاسو شاوخوا
***

هیڅ دوا نه لري مغروره ده هم بې پروا
هغه ته یودی لوڅ پڅ او خاوند د زري قبا
له هغه سره یوه ثانیه او یو ساعت ګذران یوشان دی
بي عقلان په لږ تماس ویلوخلک کړې تباه
وايي فرض په ماجت کې او سنت کور کوه
داده عقل ړندو ملایانوعام خلکو ته ده فتوا

***

په چا یې وڅښلې له ډاره د غویي بولي
دایې یوه تر مړینې لا سخته ده تماشا
په مسلمانانو یې وڅښل اوښکه د تاک
دا یې له مړینې مخکې ده د اروا ناولتیا
کعبه وټړل سول مسجدونه وتړل سول
دټولو ادیانو د مرض د مخنیوي ده ددوا دعا
یو وايي شربت ورته ښه دخاکشیر دي
بل وايي زنجبیل او لیمو یې ده اکسیر اودوا
دولتونو مسجدونه بهر کې بند کړه یو افغان ملا ویل
فرض په مسجد کې سنت ته په کور کې وايو مرحبا
بل د متعصیبینو له ډاړه ویل ماجتونه مه تړې
په مسجد کي فرض ښه دی چي لکه برق غوندی سي ادا
هریخوا ته په ځغلو راځغلو سول عام خلک
د هر چا سره لیدل لاس ورکول سوه لکه لواطت او زنا
ملایانو به ویل ده ځکندن په وخت شیطا ن راځي
کار یې د مړینې په حال خلکو ته دخپلو بولو ده څښا
ټول سنتونه یی په خلکو پریښودل دي وبا
ان د مور اوپلار لاسونه مچول لا ده ناړوتیا
یویو راچپه کوی کار یې تبه سر دردي او ده ټوخا
چې مړسي دهغه جسد غار کې اچول او ده سوځا
***
دا جنګونه او دا بیولوژیکې وسله دنن اقتصاد دی
دا سیاسي لاره دغټو اتومي ملکونو ده د نن سبا
ټول پوهیږي خو ماسکونه يي په خولو دي
داد دنیا د یویښتمې پيړۍ دسیاست ده پنج بنا
هر کال یو یو ویرس په وار پر سپين آس سپور را ځي
سوچ وکړه چې دا سمه خبره ده که ده کړبا
د بیزوفلو ، دچرګ فلو. د یږ فلو، د اوښ فلو او نور
د واکسین په راوتلویې هر کال ډیریږي دمافیا غنا
واکسینونه یې لا پخوا جوړسوي دي
له پلان سره برابر راوځي بازار ته سبا او بل سبا
وایی دا ویروس زاړه او ناجوړه سم برقي جارو کوم
موخه مې دا دنیا د بیکاره ډوډۍ خوړو د ورکیدو ده تمنا
وايي د ډیرو هیوادو ډاکټرانو یې دوا پیدا کړې ده
خو دوا یې هغه ده چې خوښه د دنیا سوه دمافیا

طنز

غني زه ستا سره حکومت موازي جوړوم
په ارګ کې بیا ستا سره دفتر مساوي جوړوم
زه بل څه ددې ساده بوله خلکو نه غواړم
له رحیمي څخه څارنوال یا قاضي جوړوم
که موزه قبول نه کړم په خپله خوښه پاچا
په ټول هیواد کې هر خوا هوایي ډزي جوړوم
خیر که ما پنځوس په سلو کی رایې نه دي وړي
زه دلته یو ښه حکومت د بورژوازي جوړوم
زما عصري دفترونه په کار نه دي که مرسته نه وي
زه په دفترونه کې دپرو ډک ګړبوزي جوړوم
ما د ګران دوستم سره دا وعده کړی
دهغه زوړ لواط څخه څلوروریزي جوړوم
دهغه چې نومونه بد سوي زما د ښو غلو یارانو
دهغو لپاره د سرو زرو نوی پزي جوړوم
د قومونو تر منځ د نفاق مړو سکروټو ته
ډیر ښه وطنی پوپکي ببوزي جوړوم
که چا زه ونه منلم په ټول هیواد کې
چي حلال مو نه کړي له دوستانو سرکوزي جوړوم
تر هغه وخته چې تاسو ماته وایاست پاچا سلامت
زه لکه مچي په ټولو رسنیو کې بوزبوزي جوروم

څلوروریزی ( نوی ځوان چي نوی برېتونه يي راغلی وی ) بوزبوزی (دمچیو ږغونه) ،ببوزی( پکه ) ،ګربوزی( بالښت)