عبدالباقي تلاښ – سويډن

١٣٨٤ د غويي ٢٥مه

شوم ليونی

شوم لــــيونی دلـــــيونيــــانــــوسره وای چي خواخوږی دخوارانوسره

وينم پــرکاڼــــودچړوبــــــــــڅرکــي پالـــــــــم ياري دقــــــــــصابانوسره

نه کړم پـرواپه ډنــــډورودخــــلگو نيسم گرېــــوان ديــــــــــتيمانوسره

هــــرڅه په زورراته مزې راکــــوي بخښه غــــــوښتل دبې وسانوسره

غـــاړه سيده وحق ته نه ږدمــــه زه وهم ډغـــــــري لــه شاهــــــانو سره

نـــوي جـــامې راته لذت راکــــوي زاړه پــرېـــږدم دخــــــــــياطانوسره

يـــم پــــه کږو لاروکي زښته بــــلد ځـــکه يـــاري مي دمــــــــارانوسره

گورم ولوښوته دشک په سترگــه چښم پــــــه لــپو دياغيانـــــــوسره

تلاښ په نېغه ټوله حال څـــــارلی ويني افــــغان داجنبيانــــــــــوسره

١٣٨٤ د غويي ٢٢مه

غـــــــــزل

زه مي شونډي سپيري خوښ يم ، ته اختروځان ته جــــوړکه

زه دي تـــــــــــږي داوبــــــــــــــــويم ، تـــــه گودروځان ته جـــوړکه

داچي حال مي دمــــــــــلنگ وي ،اوخيرات له خلگوغــواړم

زه پــــه غــاړه دي کـچـکول وړم، ته سره زروځان ته جـوړکه

داکــــه وارپــــــرټټروخــــــــــورم اودارو دعــــــلاج نـــــــــــه وي

زه دژوند په غــم کي نـــــــــــه يـم ته سنـــــگروځان ته جــــــوړکه

دنظــــــــــــرغشي تــــــــــــيره وي کـــه دښـــــکلو په لور وار شي

زه لـــــه دي غشوتـــــل رنځ وړم ،ته يوسپروځان ته جــوړکه

لــــــــــه تعويزاوجــــــادومـــاته ، رالــــــويدلی زړه ته ويــــــــــــره

زه به خــــــواست تر ملايو ســم ،ته منتروځــــــان ته جـــــوړکه

وزيـــــــارت لــــــه مين درومي پــــــــه دعــــادخپــــــــــلي ميني

زه تـــلاښ به دي درويش يــــم ،تـــــه لنگروځان ته جــــوړکه

تلاښ سويډن دمالموښار