داکټر هیواد همت

هر یو کس ددغه چم راته تربور شو
چې مې کله خوږ صنم راته تربورشو

ورځ کې سل ځله راځي او ځې ښکیلاک شو
د حالاتو هر یو غم راته تر بور شو

چې يي هيڅ پیرزو د بدو په ما نشوه
د خوږه دلبر کرم راته تر بور شو

که هر څو يي سمومه نه سمیږي
د ژوند هر یو کار مې سم راته تربور شو

دا ژوبلی زړه مې نه اخلي پيوند اوس
عجیبه ده اوس ملهم راته تربور شو

شو زره چاودی هر ارمان د زنده ګۍ مې
د اشنا جورو ستم راته تربورشو

زه همت هم د هېواد په شان کړيږم
خپل الفت خپل عالم راته تربور شو

کابل جان