کاظم بيمارننګرهارى

د کابل پوهنتون استاد

ستا د خزان ستا د سپرلي ستا د بهار ځيني جار
ګرانه وطنه ستا د ښکلي ننګرهار ځيني جار
وطنه ته د ميړنو او زمريا لو وطن يي
ته د ميرويس او احمد شاه د توريالو وطن يي
ستا د هلمند ستا د ميوند ستا د کندها ر ځيني جار
ګرانه وطنه ستا د ښکلي ننګر هار ځيني جا ر
ستا د هرات د جام جم د منا رونو عظمت
کړ را په ياد د ملالۍ د غور ځنګو نو عظمت
ستا د شينکۍ ستا د مارجي د سخت ناتار ځيني جار
ګرانه وطنه ستا د ښکلي ننګر هار ځيني جار
ستا د کنړ جنګيالي ورونه او لغمان چي وينم
را پا څيدلي ښه ځوانان د نورستان چي وينم
زړه مي ډاډه شي وايم ستا د کابل ښار ځيني جار
ګرانه وطنه ستا د ښکلي ننګر هار ځيني جار
چي اشغالګر انګريز يي مات او درپه در غوندي کړ
چي سور لښکر يي د روسانو خاک په سر غوندي کړ
ستا د پکتيا ستا د خيبر بالا حصار ځيني جار
ګرا نه وطنه ستا د ښکلي ننګر هار ځيني جار
د ښمن ډاريږي له غزني زابل ميدان وطنه
تيار ولاړ دي د کندوز، تخار، بغلان وطنه
ستا د پامير ستا هندوکش ستا د مزار ځيني جار
ګرانه وطنه ستا د ښکلي ننګرهار ځيني جار
ډک له لعلو وې دشمنا نو کړى تالا و طنه
له بدخشان تر جګد لک شهر صفا وطنه
ستا له نيمروز ستا له فراه ستا له تخار ځيني جار
ګرانه وطنه، ستا د ښکلي ننګر هار ځيني جار
وطنه تا ته چي هر چا په بد نظر کتلي
ټوټي ټوټي خوارو زبون په خپله لاره تللي
ستا ميمنه ده غيرتي ستا د فر خار ځيني جار
ګرانه وطنه، ستا د ښکلي ننګر هار ځيني جار
ستا جنګيالي په غور روزګان جنګيږي
هم په لوګر هم په غزني هم په باميان جنګيږي
ستا د زړو ستا د زلمو ستا د بيمار ځيني جار
ګرانه وطنه ، ستا د ښکلي ننګرها ر ځيني جار

د کابل پوهنتون استاد

دپسرلي سيلابه راشه دښمنان له مونږه يوسه
شه را ښکته له پاميره انګريزان له مونږه يوسه
مونږه خلاص کړه له ظالمه چه ارام مو دا وطن شي
خروشان شه په هلمند کي دا غربيان له مونږه يوسه
د سپين غر له سره کوز شه په درو کي راروان شه
کړه سيرابه دا دري مي پنجا بيان له مونږه يوسه
له بيوزلو نه څه غواړي دوي په ژوند کي دي بي ژونده
چه مغرور دي په بمونو فرعونان له مونږه يوسه
چه د نورو کوريي وران کړ ته ددوي کورونه وران کړه
قهرجن شه وغړمبيږه ظا لمان له مونږه يوسه
مونږه خلاص له استعمار کړه اشغال شوي مو وطن دى
له دي جبر نه مو بچ کړه جابران له مونږه يوسه
دا هلمند مو خروشان کړه چه پردي عسکر لاهو کړي
چه بي غم شو له فساده فاسدان له مونږه يوسه
د ميرويس لمسي راويښ کړه ګرګينان چه قتل عام کړي
دوحدت چيغه کړي پورته شرمښان له مونږه يوسه
ننګرهار کي راښکاره شه اماني عزم بيدار کړه
دا پښي لوڅي رابيدار کړه پرنګيان له مونږه يوسه
چه دښمن سره دوستي کړي له دښمنه يي بدتر بوله
کور کوډله يي کړه ويرانه خاينان له مونږه يوسه
د سيستان په جهيل راشه په جولان شه په جولان شه
سونامي شه په جوش راشه ايرانيان له مونږه يوسه
دا بيمار به هله جوړ شي چه هيواد يي شي ارام
دامو سينده وحشي شه سره روسان له مونږه يوسه

چه له رنځه دې خبر شوم جهاني
هغه دم په سوچو سر شوم جهاني
ته بلبل د کندهار د ښکلي ښا ريي
هم ليکوال يي هم د شعر افتخار يي
ستا د شعر ديوانونه د کيسو لوي داستانونه
د وطن له درده ډک دي ستا ليکلي کتابونه
کم خو مه شي ته مي وياړ ددي وطن يي
زمونږ يا ريي په نيويارک که واشنګټن يي
زما زړه کي ځاي لري درونده شاعره
خپلي ښي هيلي درليږمه لوي ما هره
د کامل صحت دعا درته کومه
محفلونو کي دې هر وخت يادومه
د وطن د هر دښمن د سترګو خاريي
هر خاين سره جګړو وته تيار يي
په شعري استعارو کي خاينان دي ټکولي
په سلونو په زرونو فاسدان دې شرمولي
دوطن له درده ته وى ناکراره
چه مي وليدي بيروت کي لمړى واره
هير يي نه يي تل په ياد يي د بيمار
که هر څو ليري اوسيږي بي وطنه بي ديار

ملي شاعراروا ښاد غمخورصيب ته

غمخوره ولاړي د وطن غمونه چاته پريږدي
د بيوزلانو دزړګې دردونه چاته پريږدې
تا په شعرونو کي د خپل وطن يادونه کول
تا د مظلوم ولس د اوښکو فريا دو نه کول
دا غم لړلي افغاني سو چو نه چا ته پريږدي
غمخوره ولاړي د وطن غمونه چاته پريږدي
ته د بلبل غوندي ګويان وي هر سهار غمخوره
هره لحظه وي هر افغان ته په چيغارغمخوره
ولي خاموش يي؟ وطني فکرونه چا ته پريږدي
غمخوره ولاړي د وطن غمونه چا ته پريږدي
ملي شاعره ستا شعرونو افغا نا ن پا څو ل
دا ستا په چغو تا د لويو غرو زمريا ن پاڅول
دا خپري شوي زمزمي شعرونه چا ته پريږدي
غمخوره ولاړي د وطن غمونه چا ته پريږدي
اي د غريبو يتيما نو ثنا خوان شا عر ه
تا ته وو ګران ددي هيواد دا هر افغان شا عره
دا کونډي رنډي خويندي ميندي ورونه چاته پريږدي
غمخوره ولاړي د وطن غمو نه چا ته پريږدي
د ځنکدن هره لمحه کي دې وطن يا د ا وه
تا په وړو وړو سلګو کي خپل ميهن يا دا وه
د ار مانونو ځني ډک خيا لونه چا ته پريږدي
غمخوره ولاړد وطن غمونه چا ته پريږدي
بيما ر دي پريښوده يواځي د شعرو نو سره
ځا نته جنګيږي د ظا لمو د ظلمو نو سر ه
د شا عرانو ملګر تيا دودو نه چا ته پريږدي
غمخوره ولاړي د وطن غمو نه چا ته پريږدي

دکابل پوهنتون استاد