پښتو لنډۍ

که ديدن غواړې راته ګوره
زه به ډوډۍ په تناره وځنډومه

که ديدن کړي تلوار راوکړه
کور کې څوک نشته زه يوازې ناسته يمه

که دی زما ديدن ياد يږی
د ګودر غاړه اجاره واخله مينه

که دیدن کړې ګودر ته راشه
زه به منګی په لپو ورو ورو ډکومه

که دې خندلي راته نه وای
غريب سړی وم خپل ژوندون به مې کوونۀ

که دې زما دیدن یادیږي
د ګودر غاړه اجاره واخله مینه

که زړه ته سل تسلي ورکړم
سترګو ليدلی جانان کله هېروينه

که زړه ته سل تسلي ورکړم
سترګو ليدلۍ جانان کله هيروينه

که ستا نه سل ځله توبه کړم
په ما مين زړه مې توبې نه قبلوينه

که سلام غواړې خط به درشي
که ديدن غواړې خدای ته پورته کړه لاسونه

که سږنی اوړی خدای وکړي
ماته جانان د سور پېزوان ويلي دينه

که ليونۍ دی زما يار دی
زه مې خپل يار په شاهزاده نه بدلومه

که لېونی يې زما خوښ يې
خلک ياري د لېونو سره کوينه

که مخامخ دیدن مو ګران دی
په موبایل خو راکوه د زړه حالونه

که مرور شې ځان به خوار کړې
جنکۍ کله مرور پخلا کوينه

که مساپر شي بيا به راشې
د تورو خاورو مساپر کله راځينه

که ملامت يم ما دې مړ کړي
چې بې ګناه يم سر مې ولې غوڅوينه

که مور او پلار دې خدای رضا کړل
د ماما ګانو به دې زنې ونيسمه

که مې نصيب د بدو نه وای
په شين چمن به مې منګی نه ماتېدنه

که نامردي دی جنګ کې وکړه
لکه د ښځو به ټيکرۍ در په سر کړمه

که نصيبونه خرڅيدلای
ما به دا خپل نصيب وړيا ورکړي ونه

که په ميوند کې شهيد نشوې
خدايږو لاليه بې ننګۍ ته دې ساتينه

که په ميوند کې شهيد نه شوې
خدايږو لاليکه بې ننګۍ ته دې ساتينه

که څوک باچا د زمانې شي
د جانان مينه به يې کوڅو کې ګرځوينه