پښتو لنډۍ

ځان د وطن په شمع سيزه
چې پتنګان دې د زيارت طواف کوينه

ځان دوطن جنګ کې شهيد کړه
چې جنازه دی د آسمان پرښتې(ملکې) وړينه

ځان دې زما په ديدن موړ کړه
بيا به مخ په سپين کفن کې پټوينه

ځان يې زړو جامو کې جوړ کړو
لکه په وران کلي کې باغ د ګلو وينه

ځان په ازغوباندې سوری كړه
كه چېرې غواړې ديارغېږه كې خوبونه

ځای د داغلو په کې نشته
جانانه څله داغوې داغلي زړونه

ځلمي ولاړ توری تر ملا دي
غزاله ځي پر خپل وطن سر ورکوينه