پښتو لنډۍ

پرمخ يې سپينې روپۍ زانګي
نجلۍ پۀ څڼولاس وهي يارله ورځينه

پرمخ يې پرخه دخولو ده
لکه شبنم چې دسهارپۀ ګلووينه

پرمخ يې پشم دخولودی
خلک ګومان دمرغلروپرې کوينه

پرمسافرمې زړۀ خوږېږي
زمالالی دی مسافرمحتاج بۀ وينه

پرمسافرومې زړۀ نه سو
اوس مې پرې سوځي چې مې يار مسافرشونه

پرملانرۍ پۀ رنګ ژړۍ ده
موريې دژېړې غواشودې ورکړې دينه

پرمورچل نېغ ورځه ټيټ نۀ شې
ښايسته ځلمی له مرګه څنګ نۀ کړي مينه

پرمورچل هغه ځلمی خېژي
چې يا مين وي يايې پېغله ناسته وينه

پرموزيګي مې پېرزونۀ شې
دخاوروخټ شې چې دعادرته کومه

پرمولوي مې سلام وايه
زماجانان له کتاب خلاص کړه چې راځينه

پرمين مه کړئ ملامته
چې خدای مين شوپيغمبريې پيداکنه

پرمېږتون باندې مې شپه وای
يارراسره وای زۀ بۀ تل خوشاله ومه

پرناقابل طبيب مې مخ شو
خوږ مې دزړۀ دارو دسترګوراکوينه

پرنيموشپودسپوغپاشوه
پۀ باوري يارمې باوردی رابۀ شينه

پرنړېدلوقبروراغلم
ځوانان پراتۀ دي دديدن درخواست کوينه

پرهدېره دمړوراغلم
ماويل سلام ياروې سلام نه قبلومه

پرهدېره دمړوراغلم
وژلي خدای وؤ غږيې ماته نه کاونه

پرهدېره راشه زرګره
ځوانان بۀ ګوتې جوړوي نجونې ششتونه

پرهر پرهر په توره راشې
چې پرهرونه دې ګنډم خوله درکومه

پرهرچاخپل وطن کشمير دی
ماته وطن کې چې ته نۀ يې تنورشينه

پرهرچاخپل وطن کشميردی
ماته کشميردي دجانان دوطن غرونه

پرهغه يارمې سلام وايه
چې دماښام ډوډۍ داوښکوسره خورينه

پرهندوستان خوشاله ګرځه
ترله دې خپله پۀ نامۀ دې ناسته يمه

پرهندوستان خوشاله ګرځه
زۀ بۀ داتورې سترګې ستا پۀ نام ناسته يمه