پښتو لنډۍ

پېزوانه کوز شه اوبه وڅښه
سبا اختر دی په سرو شونډو به دې وړمه

پېغلتوب نيمه پاچاهي ده
داناوېتوب ددېوال سيوری تېر بۀ شينه

پېغلتوب نيمه پاچاهي وي
ورک ناويتوب شه چې دوه نيمې ورځې وينه

پېغله خويې خوښه مې نۀ يې
دخماروسترګو دې بل کوي سيلونه

پېغله په شګو کې رهي کړه
پښې به یې سوځي خوله به ژر ژر درکوينه

پېغله چې نوې پېغلتوب کړي
لۀ سپينوواورونه يې سپين دي مړوندونه

پېغلولوګی تورسپېلني کړل
چې پۀ سپينه ورځ اشناغزاته ځينه

پېغلوپوړني سره اغوستي
لکه چې بيادشهيدقبرته ورځينه

پېغورخوډېرراکړئ عالمه
کۀ مې دښمن خپل پۀ ټګۍ وژلی وينه

پېکی دې بيا پۀ کوچو غوړ کړ
لکه ښيښه لمرته شغلې وهي مينه

پېکی دې يوې خواته شانه کړه
چې وروځومنځ کې دې شين خال راښکاره شينه

پېکی مې جګ کړه خال مې چپ کړه
دجنت ګل دی پرې تازه بۀ شې مينه

پېکی مې مه پرېکوه مورې
پۀ سرپرېکړوونونۀ کېني بازونه