پښتو لنډۍ

پۀ کټ کې پړوکی پړوکی پروت يم
پۀ بازوګانوراته ناست دي ستاغمونه

پۀ کړېدومې رب راضي دی
ځکه مې بندشول دالله پۀ در سوالونه

پۀ ګل سرخ کې خاورې مه شې
پۀ کې سورګل شې چې هرڅوک دې بویوينه

پۀ ګل کې ستابشره زۀ وينم
لاس مې دې مات شي چې يوګل بۀ پرې کومه

پۀ ګل ګلاب دې وويشتمه
خوږدې زمادزړګي سرکړوبۀ مرمه

پیغله ګودر ته روانيږی
زړه يې منجله کړو پری منګی راوړی مينه

پېزوان دې مااخستی نۀ دی
پۀ کړکچه دې لوبې کړې هلته بۀ وينه

پېزوان زمادپوزې پرېووت
ته راپسې وې دابۀ تااخستی وينه

پېزوان مې خړو اوبوډوب کړ
پۀ سپينه خولۀ بۀ لامبوزن ورکوزومه

پېزوان مې روڼ جوړکه زرګره
يارمې هرکله دپېزوان پۀ رڼا ځينه

پېزوان مې ستا برېتو کې بند شو
تر دروازې پورې جوړه درسره تلمه

پېزوان مې ستاپۀ برېت کې بند شو
تردروازې پورې بندي درسره تلمه

پېزوان مې شرنګ لۀ پوزې پرېووت
تۀ غلی غلی راپسې وې پټ دې کنه

پېزوان مې پاس پۀ شونډو سپورکړ
لکه ښامارچې دخزانې دپاسه وينه

پېزوان مې ښۀ جوړ که زرګره
يار مې ځلمی دی دپېزوان پۀ رڼاځينه

پېزوان يې بياپۀ شونډوسپورکړ
لکه کوتره پۀ هواچورلک وهينه

پېزوان پۀ جګه پوزه خوندکړي
لکه پۀ لوړچنارچې واچوې ټالونه

پېزوان پۀ کرمه کې جوړېږي
دکندهارزرګره مات دې شه لاسونه

پېزوان کودی که اوبۀ راکړه
يودې ثواب دی بل ديارلۀ تندې مرينه

پېزوانه تۀ ولې دلګيريې
که کلی لېږدي تابۀ پاس پۀ شونډووړمه

پېزوانه خانده هوسېږه
سبااختردی پاس پۀ شونډوبۀ دې وړينه

پېزوانه خانده هوسېږه
سبا اختر دى تا به پاس په تندي وړمه

پېزوانه زیری مې درباندې
سبا اختر دی په سرو شونډو به دې وړمه

پېزوانه ستا نه ګيله من يم
د ليلا سرې شونډې خو تا ښکل کړې دينه