پښتو لنډۍ

پۀ ژوندباورنۀ شته عالمه
جانان راغواړم چې يې موړ پۀ ديدن کړمه

پۀ ژړاتل راپسې ژاړه
زۀ مسافريم ددعاطمع لرمه

پۀ ژړامه راپسې ژاړه
دعاکوه چې ستاديدن مې نصيب شينه

پۀ ژړامه راپسې ژاړه
سهاردعاراپسې کوه ماښام نفلونه

پۀ ژړانۀ درپسې ژاړم
تاپۀ دعاکې يادوم ژړاراځينه

پۀ ژړاژاړم سودمې نۀ شي
يومسافرشوم بل لۀ ياره جلاشومه

پۀ ښامارانومې ونۀ خورې
لۀ اوږوټول که داوږدوکوڅوسرونه

پۀ ښکاره حال مې مه تېروزه
پۀ زړۀ زخمي دبېلتانۀ لۀ لاسه يمه

پۀ کابل مه اوره بارانه
يارمې شوقي دئ لونګۍ نۀ ورټولوينه

پۀ کتاب ځکه نۀ پوهېږم
چې دجانان تصورکړم ژړاراځينه

پۀ کراري اوره بارانه
ليلا سالوايسته کوي لمده بۀ شينه

پۀ کرارۍ مې روح وکاږه
ملک الموته خوږاشناراله راځينه

پۀ کشمالوکې ورته پټ شوم
نجلۍ اوربل کې کشمالې ږدي رابۀ شينه

پۀ کشمالوکې ورته پټ شوم
نجلۍ هوښياره کشمالوته نۀ راځينه

پۀ کشمالوکې ورته پټ شوم
نجلۍ دغواو غوبنه ده رابۀ شينه

پۀ کشميري الوان کې ګرځې
سپينه سينه بۀ دې پرې رنګه شي مينه

پۀ کلادوې کوترې ناستې
يوه يې ويشتل کړي بله ځان سينګاره وينه

پۀ کلي سورسالوراګډشو
چاوې سالودی چاوې اورولګېدنه

پۀ کنډوګي مې سرورهسک کړ
دکونډې لورلکه سپاهي ځان جوړوينه

پۀ کوټه سرکه رادننه
داپېغله نجل پۀ لونګين ځان جوړوينه

پۀ کوټه سرکه رادننه
پرچلم زانګي تورې زلفې شنۀ خالونه

پۀ کوټه مه ګرځه نيمزالې
تورې کوڅۍ دې تورښاماررايادوينه

پۀ کټ کې سپينه سپينه اوړې
لکه دډنډ ماهی نيوی نۀ راکوينه

پۀ کټ کې سپينه سپينه اوړې
زمالۀ سترګونه دې خوب وتښتاونه