پښتو لنډۍ

پۀ يارانه کې زړۀ سندان که
پۀ کې پېښېږي دپلکونوګوزارونه

پۀ ياري زوړسړی ځوانېږي
زۀ بۀ ياري دژڼوکړم چې ځوانه شمه

پۀ يارۍ روغ سړی رنځورشي
څۀ مې ضرور دی چې روغ ځان رنځورومه

پۀ يارۍ زوړسړی ځوانېږي
زۀ دلالي پۀ يارۍ ځوانه زړه شومه

پۀ ټوکوټوکومې ګڼله
دجانان کډه پۀ رښتيالۀ کلي ځينه

پۀ پاتې ژوند کې بۀ څۀ خوند وي
چې يوم پۀ لاس پرجانان خاورې اړومه

پۀ پاولو ډکه کۀ راواوړې
پرزکندن باندې کۀ يمه جوړبۀ شمه

پۀ پاچاهۍ کله خوښېږم
چې پۀ يوه ګړۍ دياره جدايمه

پۀ پت کې تورتورمسلی ښۀ دی
بې پته يارکۀ شاهزاده وي څۀ يې کمه

پۀ پخوانوسترګومې ګوره
اوس مې جامې دملنګۍ اغوستې دينه

پۀ پخوانوسترګومې ګوره
کۀ مې مخ زېړ وي ستاغموبۀ کړی وينه

پۀ پخوانوسترګومې ګوره
څۀ وشوياره چې نېستي راغله مينه

پۀ پخواني اشنابۀ ورشم
غږبۀ پروکړم کۀ مې واوري فريادونه

پۀ پسرلي غونډۍ له خېژو
داتڼ منځ کې يې ګلان کرلي دينه

پۀ پورې کلي کې مين يم
ملک يې څوک دی ننواتې ورلېږمه

پۀ پښوچالاکه اوښه ګوډ شې
ديارديدن بۀ مې کاوۀ تېره دې کړمه

پۀ پېښورکې وليان ډېردي
کږې جنډې پۀ مياعمرولاړې دينه

پۀ ځلميتوب خوښۀ ځلمی يې
کۀ دديلي نښې راوړې ياري دې کړمه

پۀ چل ګزيانودې وخدايه
يايې زماکړي يايې خاورې کړې خالونه

پۀ چلم چاروږدکړې جانانه
ترکاغذي شونډودې خېژې شنۀ دودونه

پۀ چپه خولۀ باندې ګويايم
ديارانې لۀ رنځه زېړه پېړه شومه

پۀ چړچوبۍ کې مه پټېږه
ځلمي ښاغلي اديروخوړلي دينه

پۀ ډېر احتياط مې خولګۍ واخله
چې دپېزوان پۀ پروغوڅ نۀ شې مينه

پۀ ژبه هېڅ ويلی نۀ شم
پټ پۀ اشناپسې رنځورلۀ غمه شومه