پښتو لنډۍ

پۀ ننواتې دې ښۀ نۀ شي
څوچې ونۀ ګالې پۀ سرباندې غمونه

پۀ ننواتې پوره نۀ شوه
اوس بۀ لمن يارته پۀ خپله غوړومه

پۀ نيمه شپه بېداره اوسه
چې پۀ کې واورې دويشتلواوازونه

پۀ نيمه شپه سندره وايه
څوک چې پۀ زړۀ ويشتلی وي بېداربۀ شينه

پۀ نيمه شپه مې خوب ته راغلې
لکه يتيم مې تر سبا ژړلي دينه

پۀ نيمه شپه چې راته يادشې
سرپۀ بازوکړم اوښکې لاندې تويومه

پۀ نيمه شپه چې راپۀ يادشې
لکه يتيم لۀ سترګواوښکې تويومه

پۀ نيموشپوپۀ کلي راغلم
پۀ خوب ويدۀ اشنابۀ څوک راويښوينه

پۀ نکاح شوې مين مه شې
سبابۀ سرې سترګې ولاړيې دابۀ وړينه

پۀ هرساعت چې راپۀ يادشې
پۀ ځای کېنمه لۀ خولې وينې غورځومه

پۀ هريوګل کې بۀ ما وينې
کۀ محبت دې پۀ رښتينې پر ما وينه

پۀ هرګړي چې راپۀ يادشې
کميس لمبه شي تن مې اورواخلي مينه

پۀ هستۍ هرسړی لوړېږي
بده نيستي ده سيال لۀ سياله کموينه

پۀ هواتلم پۀ جال کې بندشوم
پۀ زولنوکې دموزيانوونښتمه

پۀ ورکېدومې يې خوشاله
ژر راته وايه داوطن درته پرېږدمه

پۀ ورۀ کې دوې خويندې ولاړې
پرمخ يې غبرګې اوښکې ځي ورک شه بېلتونه

پۀ وينوخوښ يمه چې توېږي
زمادزړۀ وينې پۀ جوش راغلې دينه

پۀ وينورنګ توره دې راوړه
چې پۀ سورکوشونډويې زۀ درپاکه کړمه

پۀ وينوسورشفق مې وليد
اه مې دزړۀ پۀ فلک اورولګاونه

پۀ ويښه يووارې رانغلې
پۀ خط کې نښې رالېږې چې ياردې يمه

پۀ وړاندې ځم پۀ وروستوګورم
قديمه خدايه دزړۀ سرمې پاتې شونه

پۀ وړاندې ځې شاته ګورې
تردې ويشتلي زړۀ دې ځارشمه مينه

پۀ يارانه دې هېڅ پوه نۀ شوم
پۀ جدايي دې لکه مالګه اوبۀ شومه

پۀ يارانه کې داسې کېږي
دچارنګ زېړشي دچامرګ پۀ توره شينه