پښتو لنډۍ

پۀ سورپالنګ بۀ دې راخېژم
کۀ چاپرې مړکړم پۀ پالنګ بۀ شهيدشمه

پۀ سين کې ژر بېړۍ لاهوکه
سبااختردی دخپل يارسلام له ځمه

پۀ سپين ميدان بۀ درسره يم
زۀ پښتنه لۀ تورې نۀ ترپلم مينه

پۀ سپينه خولۀ بۀ دې کافرکړم
دتوروزلفوبۀ زناردرواچومه

پۀ سپينه خولۀ دې پرهاروشه
لکه تنکۍ برړه ژاولې خوټوينه

پۀ سپينه خولۀ لېونی مست دی
ځکه دتوروخولې ته غاړه غړۍ ځينه

پۀ سپينه خولۀ که روژه ماته
دکفارت روژې بۀ دواړه ونيسونه

پۀ سپينه ږيره لېوني شوې
پۀ لنګوټې پورې دبنګ تړلي دينه

پۀ سپينه ږيره لېونی شوې
پرلاره ځې پۀ غونډوولې زيارتونه

پۀ سپينه ږيره ډېره مينه
پۀ تورپيکي مې لاس وهې خنداراځينه

پۀ سپينوتوروورګډېږه
ماپرهمزولوباندې ډېرخندلي دينه

پۀ سپينوغاښوراته خاندې
مابۀ دتورټوپک پۀ خولۀ ورکې مينه

پۀ شرم ناسته دې پوهېږم
چې پۀ يوۀ موټي کې دوه ساتې لعلونه

پۀ شرم ډېر درڅخه شرمېږم
خدای دې پخپله مهربانه که مينه

پۀ شرم ډېردرنه شرمېږم
دزړۀ دحاله بۀ دې ورووروخبرومه

پۀ شمل ګۍ دې ګل کتارکړل
دښکلونجونودې اوربل وشرماونه

پۀ شمله ګۍ دې ګل کتارکړل
دښکلونجونودې اوربل وشرماونه

پۀ شمندروزکې نۀ ودېږم
ماله ململ دلارې مه راوړه مينه

پۀ صبرصبرمې زړۀ شين شو
نورمې طاقت دصبر نۀ شته وبۀ مرمه

پۀ صبرصبرمې زړۀ شين شو
يارشوشب قدرپۀ لاس نۀ راځي مينه

پۀ صبرصبرمې ياربايلو
زۀ بۀ دصبرکچکول چېرې ګرځومه

پۀ صبرصبرپوره نۀ شوه
سبامې نيت دی بې صبرۍ ته ملا تړمه

پۀ طبيبانوبۀ روغ نۀ شم
زۀ دليلالۀ سينې کوزلوېدلی يمه

پۀ طبيبانونۀ رغېږم
جانان پۀ غشودبڼوويشتلی يمه