پښتو لنډۍ

پۀ زړۀ مې يو الله خبردی
چې همېشه دغم سودا پۀ کې کومه

پۀ زړۀ مې ځای دګيلو نۀ شته
هلته بۀ يې وايم چې دې سرپۀ څنګل ږدمه

پۀ زړۀ هغه خلک ژړېږي
چې دمحفل ياران يې تورې خاورې خورينه

پۀ زکندن مې راحاضرشه
چې زۀ سلګۍ کړم سترګې چاته واړومه

پۀ سترګو ړوند شې راته ګوره
پرښايسته اوربل مې اېښيدي لاسونه

پۀ سترګوروغ درته ښکارېږم
ترزړۀ مې تاودي دسرکووينوډنډونه

پۀ سترګوړوند شې راته ګوره
دچمچمارغوندې غړۍ درته وهمه

پۀ سترګوړونددرپسې نۀ شوم
لکه بادام سوری سوری درپسې شومه

پۀ سترګوړونددرپسې ګرځم
ستادوفازېری کۀ وشي روغ بۀ شمه

پۀ سترګوړوندراپسې نۀ شوې
دالباسي اوښکې دهرچاپرمخ راځينه

پۀ سترګوړوندشه راته ګوره
پۀ تش کاتۀ بۀ دې څوک سرنۀ پرې کوينه

پۀ سترګوړوندشې راته ګوره
چې داوربل پرځای مې ګل ټومبلی دينه

پۀ سترګوړوندشې راته ګوره
پۀ ګل بدن کې لکه ګل ولاړه يمه

پۀ سترګوړوندشې راته ګوره
کچه خالونه مې دنيل وهلي دينه

پۀ سترګوړوندشې پۀ غوږوکوڼ شې
پۀ ژبه ګونګ شې چې ونه وايې حالونه

پۀ سرسرتوردرته ښکاره شوم
ځکه دې پټ کړل دلنډۍ زنې خالونه

پۀ سرکې سترګې ګنهګارې
زړۀ چې مين شي سترګې څۀ ګناه لرينه

پۀ سرکې وروږمنځ راکاږه
ستاپۀ ويښتومې دزړۀ کوردی وران بۀ شينه

پۀ سفر ځم تۀ راته ګوره
ترشادې پاتې پۀ خنجروهلي زړونه

پۀ سفر ځې تصويرمې واخله
کۀ زۀ بيانۀ وم دزړۀ بۀ دې پرې شينه

پۀ سفرځم خدای ته دې سپارم
کۀ ماته راوړې دکشميرشينکي شالونه

پۀ سفرځم پرخدای مې سپاره
لرې وطن دی بياهيهات چې ژوندي يونه

پۀ سلام ستابورجل له راغلم
تۀ پۀ کې نۀ وې بې سلامه تېره شومه

پۀ سورسالوپربام ولاړې
امېل پۀ غاړه کشوې دخلکوزړونه