پښتو لنډۍ

پۀ تا بۀ کوم مجلس روښان وي
زۀ شوم پتڼ درپسې شمعې لټومه

پۀ تاترو راشه جانانه
دخيبرلارې اپریدو نيولې دينه

پۀ تاکېدۀ پۀ مادې وکړۀ
پۀ نازولې لوردې وشه فسادونه

پۀ تروږمۍ کې رڼا راغله
ليلا پۀ تور اوربل کې غاټول ټومبلي دينه

پۀ تش ديدن دې خوشالېږم
کۀ مې نصيب شوې بيا بۀ نۀ کړم ارمانونه

پۀ تش کتودې لېونی کړم
جانانه مخ راواړوه چې صبرشمه

پۀ تشه خولۀ دې شوم غلطه
نامرده ياره پۀ ميدان دې پرېښودمه

پۀ تصورمې زړګی شين شو
څودليدو مهال راځي خاورې بۀ يمه

پۀ تنارۀ ولاړې پېغلې
ډوډۍ دې نۀ خورم دديدن وږی ديمه

پۀ توراوربل مې سلام وايه
کۀ مرګی چپ ؤبيابۀ وکړوديدنونه

پۀ توراوربل ګټلی مايې
اوس دې دبل غاړه کې واچول لاسونه

پۀ توردکن مې جانان ګل دی
زړۀ مې بلبل دی توردکن لره ورځينه

پۀ تورلحدکې بۀ نارې کړم
ټوټې ټوټې دخپل جانان لۀلاسه يمه

پۀ تورلحدکې بۀ نارې کړم
زۀ ارمانجن دسپينې خولې راغلی يمه

پۀ توروخاوروکې بندي شوې
قدرت مې نشته اوس دعادرته کومه

پۀ توروزلفوکې يې بندکړم
خلاصی مې نشته دافسوس ژړاکومه

پۀ توروسترګواشارت کړه
دخولې خبرې غمازان راته کوينه

پۀ توروسترګومې ړنده کړې
چې جانان نشته زۀ يې ولې تورومه

پۀ تورټوپک مې وله ياره
داسې خومه وايه چې خولۀ نۀ درکومه

پۀ تورټوپک ويشتلی جوړشو
دسپينې خولې ويشتلی وينې تويوينه

پۀ تورټوپک ويشتلی راشې
دبې ننګۍ احوال دې مه راځه مينه

پۀ تورټوپک ويشتلی راشې
چې پرهارونه دې ګنډم خولۀ درکومه

پۀ تورټوپک ويشتلی نۀ يې
لۀ دې نريوچړومه ګرځه مينه

پۀ تورپيکي دې لېونی کړم
يايې غيچي کړه يايې غوټه کړه سرونه