پښتو لنډۍ

پوښتۍ مۍ ماتۍ شوې يارۍ کې
مورته بانه کړم چې برېښ کوي مينه

پيره کامله رارسېږه
بېړۍ شوه غرقه پۀ تخته ولاړه يمه

پيزوان په کورمه کې جوړيږي
د پېښور زرګره مات دې زه لاسونه

پيزوانه څومره بختور ئې
د ناز ميرمن دی سپور په شونډو ګرځوينه

پيشتری پوخ کړه مامېلمه کړه
پۀ دې پلمه بۀ مشغولاسره کوونه

پيغمبري ګل بۀ ترې جوړ شي
کۀ دې پۀ لنډه زنه ووهل خالونه

پيغمبري ګل بۀ ترې جوړشي
کۀ پۀ لنډۍ زنه دې ووهل خالونه

پټ بۀ دزړۀ دردونه تېر کړم
بې درده يارته بۀ ونه وايم حالونه

پټ بۀ ديار لۀ غمه ژاړم
پټې بۀ وينې لړمانۀ ته تېرومه

پټ بۀ ديار لۀ غمه ژاړم
چې مې پۀ درد ظالم خبر نۀ شي مينه

پټ د ګودر په غاړه کينه
چې ياره پټ په پټ وکړو ديدنونه

پټ مې پۀ زړۀ کې ډېر يادېږې
دچادمخه ښۀ راغلی نۀ درکومه

پټ کرمونه درب ډېر دي
جانان ته وايه وارخطانۀ شې مينه

پټکی دې کوږ په وريځو کېده
زه د همزولو په کتار کې ناسته يمه

پټکی پر منځ دوروځو کېږده
وطن پردی دی چې ډاډه درسره ځمه

پټکی پر منځ دوروځو کېږده
زۀ دهمزولو پۀ ټولۍ کې ناسته يمه

پښتانۀ واړه سره يو دي
ورک دې نفاق شي چې بۀ دوی جلاکوينه

پښتانۀ واړه شنه زمريان دي
چې ځای يې راشي پۀ سيالۍ تورې وهينه

پښتنوبياخولۍ کږې کړې
پردښمنانوبۀ بيا جوړکي ناتارونه

پښتنوخدای ته سرسرتورکئ
چې خپل کرم دننګيالي ملګری کړينه

پښتنوسرومال قربان کړئ
چې خپله مېنه موپردۍ نۀ شي مينه

پښتنې پېغلې خوشالي کا
چې ځلميان کاندي دانګرېزسره جنګونه

پښتون بۀ ولې تورې نۀ کا
چې دمېړانې نوم يې تللی پۀ ملکونه

پښتون د جنګ په ډګر مړ شو
پښتنې نجونې ئې په وينو ږدي خالونه