پښتو لنډۍ

په خوله توبې توبې وباسم
په تا مين زړګۍ توبې نه قبلوينه

په خوله کې ژبه راته راکړه
خلک توتيانو ته شکری ورکوينه

په خولې توبې توبې اوباسم
په تا مين زړګی توبې نه قبلوينه

په دا يوه خبر خوشحال يم
چې خان غريب به ټول يوې خاورې ته ځينه

په داسې خلكودې بدل كړم
چې دعزت سرمايه بالكل نه لرينه

په دنيا دوه شيه مزه کا
يا سپينه خوله يا د بوړي ټوپک غږونه

په ديواله مې سر اوچت کړو
جنۍ لګيا ده ځانله سترګې توروينه

په زنکدن دې ژبه بند شه
ماته دې ټول عمر دروغ ويلي دينه

په زنکدن مې راحاضر شه
بيا تر قيامته پورې نشته ديدنونه

په زنکدن مې راحاضر شه
چې په سلګو کې سترګې تاته واړومه

په زنکدن کې مې رانغلې
د جنازې لاندې مې مه ځه مخ تورنه

په زيارتونو به جوړ نه شم
ما به د سپينې خولې ازاد اخيستی وينه

په زړه به لويه تيګه کېږدم
جانانه تانه به يې ورو ورو صبرومه

په زړه دې ډېر داغونه راکړل
ستا دجفا کيسې به چا چا ته کومه

په زړه مې غر دګيلو پروت دی
هله به يې وايم زه دې سر په زنګون ږدمه

په سر دې کوم غماز ولاړ دی
چې دې زما غريب يارۍ ته نه پرېږدينه

په سفر ځې څادر دې پریده
روژګۍ راغله تراویح به په کومه

په سور سالو کې ګناه نشته
ګناه نجلۍ کې ده چې ړنګه بنګه ځينه

په سپينه خوله کړه روژه ماته
د کفارت روژې به دواړه ونيسونه

په سپينه ږيره راپسې شوې
رب خو دې مړ کړه د لمسۍ په ځای دې يمه

په سپینه خوله که روژه ماته
د کفارې روژې به دواړه ونیسونه

په سین کې زر کښتۍ لاهو کړه
سبا اختر دی د خپل یار سلام له ځمه

په صبر صبر پوره نشوه
سبا مې نيت دې بې صبرۍ ته ملا تړمه

په صورت روغ درته ښکاريږم
لکه غنم د زړه په سر چاودلی يمه