پښتو لنډۍ

په ا خرت به لالی غواړم
په دې دنيا يې ظالمان نه راکوينه

په اخرت کې به نارې کړم
چې ناداني وه په ګناه نه پوهېدمه

په اوښکو لوند ګرېوان مې ګوره
ستا له پېغوره مو رپه کور بند کړی يمه

په باغ کې سرې غوټۍ ته وايه
چې تاته تور کشمالي ډېر سلام کوينه

په باغ کې سرې غوټۍ ته وايه
چې تاته تور کشميالي ډير سلام کونه

په باغ کې مه ګرځه جانانه
ګلاب شرميږي مخ په پاڼو پټوينه

په بام ولاړه يمه زنګېږم
د خوبه نه يم د يار غم غلطومه

په بل وطن کې پيدا نشوې
د نارنج ګله ننګرهار ته به درځمه

په بنګو چرسو مې کار نشته
چي د جانان په کوڅه تېر شم نشه شمه

په تصور مې ځان پاچا کړ
چې سر مې جګ کړلو ګدا د دونيا ومه

په تن مې تور چينجي لګيا شول
زړه ترېنه ساتم پکې ستا مينه لرمه

په تناره مه ورغوړېږه
د وربل څوکې به دې اور وسوزينه

په تور لحد کې به نارې کړم
زه د دنيا نه ارمانجن راغلي يمه

په تور لحد کې به نارې کړم
زه د دنيا نه ارمانجن راغلۍ يمه

په تورو سترګو يې شهيد کړم
تورې جنډې راباندې ودروئ مينه

په تورو ټوک ټوک شي مړ مشې
چې پرهرونه دې ګنډم خوله درکومه

په توروزلفوبۀ يې بندکړم
پۀ لونګين بۀ يې وهم ارام بۍ کړمه

په تُهمت مه شرمېږه ياره
په ښو ځوانانو پسې تل وي تُهمتونه

په جدايۍ دې خفه نه يم
خفه پدې يم چې رقيب دې خپلوينه

په جهان دوه څيزه مزه کا
يا سپينه خوله يا د بوړي توپک غږونه

په خوله به جنګ درسره وکړم
د زړه کوڅې به درنه ولې بېلومه

په خوله به جنګ درسره وکړم
د زړه کوڅې درځنې کله بيلومه

په خوله به جنګ درسره وکړم
د سترګو لاندې به زارۍ درته کومه

په خوله به وایم چې مې هیر يې
چې په رښتیا دې هیروم ورکه دې شمه