پښتو لنډۍ

پرچلم راغله کش يې ورکړ
لۀ جنجالي پېزوان يې شنې لوخړې ځينه

پرچمن ستادراتلوغږ دی
ګل پۀ لړزه شوچې خزان ولګېدنه

پرکتاب پروت جانانه ګوره
اوښکې مې توی شوې دکتاب پربياضونه

پرکلاغنی راته مه ږده
دعاشقانولارې چانيولې دينه

پرکلانيمه راښکاره شوه
پۀ نيمايې صورت مې اورولګېدنه

پرکنډواوړې پناکېږې
داسورسالودې بادوهي ژړاراځينه

پرکنډواوړې پناکېږې
پنادې مه شه دسالوسرۀ پلوونه

پرکنډوښه شوې راښکاره شوې
چې ترې پناشوې سل کلن رنځوردې کړمه

پرکنډوکې دې غنی کېښوئ
زۀ دبخمل پڼې لرم دروابۀ وړمه

پرکوڅه تېرشوم ګنهګارشوم
شرنګاريې خېژي زولنې راته راوړينه

پرکوڅه تېرشوم ګنهګارشوم
مالااشناونۀ ليدۀ لاس مې تړينه

پرکوڅه تېرشوې بياراتېرشوې
نصيب دې نۀ ؤزۀ پربام ولاړه ومه

پرکوڅه ښکته پورته کېږې
لاردې ژوره که اوبۀ راستنوينه

پرککرۍ مې وينې راغلې
پاس پۀ تندي مې بازدغم کوترې خورينه

پرګلاب ناست بوراته وايه
ګلونه ژرژربويوه خزان راځينه

پرګودر سور سالو ښکاره شو
ماوې دی تورو اوبو اورواخيسته مينه

پرګودر سپينه سينه اوړی
په لاره تير يدم ودی ويشتمه

پرګودرسورسالوښکاره شو
ماويل تورواوبواورواخست مينه

پرګودرسپينه سپينه اوړې
پۀ سمه لاره تېرېدم ودې ويشتمه

پرګودرنښه راته کېږده
چې شاليلامنګی پۀ سوري ډکوينه

پرګورستان مې سلام وايه
چې خاورې نۀ کړي دجانان صدف غاښونه

پرګورستان مې سلام وايه
چې خاورې نۀ کړي دځوانانو تورسرونه

پرګورستان مې سلام وايه
چې خاورې نۀ کړي دجانان نري برېتونه

پرګړنګودرسره تللای
چې ته لوېدای مادې نيولای مړوندونه